Duhî li bazara reş nirxê dolarê Emerîkî beramber lêra sûrî gihişt 217 lêreyan kirîn û 220 firoştin, û li gor Banka Navendî ya Sûrî nirxê wê gihişt 178,29 kirîn û 179,36 firoştin, herwiha nirxê beramber yê Yoro li bazara reş giha:259 kirîn û 264 firoştin û li banka navendî 217,88 kirîn û 219,41 firoştin, herwiha nirxê beramber yê lêra tirkî li bazarên reş gihişt 92 lêreyên surî kirîn û 94 firoştin, ji aliyê xwe ve banka navendî li nirxê beramber lêra tirkî hîç nirxek belav nekir. Eve û bihayê yek giram zêrê eyar (18) gihişt 5915 lêreyên sûrî, û bihayê yê eyar(21) gihişt 6900 lêreyan. Hêjayî gotinê ye ku bihayê dolarê Emerîkî li hember lêra sûrî berî adara 2011an gihiştibû 47 lêreyan beramber dolarekî, anku li maweyê sê salan de lêra sûrî bi rêjeya 461% ji bihayê wê ket, û ev daxistina bilez ya lêra sûrî tê ji encamê nebûna baweriyê bi abûriya Sûrî, û nebûna diravê biyanî yê yedek û herwiha ji encamê jidestdana dahatiyên xwezayî yên welat, ku bi yekcarî kertên berhemhênan û hinartin û hawirdekirinê hatine rawestandin, û çeteyên girêdayî rêjîma Esed destê xwe danîn li ser çavkanîyên herî giring yên abûriya dewletê û tevlî zêdebûna giraniyê bi rêjeyeke mezin, û heta destêwerdana Banka Navendî ya Sûrî hîç encamek bo bilindkirina nirxê lêra sûrî neda, û di vê mijarê de parêzkarê (Banka Navendî) tekez kir, li ser berdewamiya destêwerdana erênî ya Banka Navendî di bazara pereyan de, bi rêka perepêdana hinartinên kerta taybet bi şêweyekî piştgirtî, û balkişand li ser berdewamiya destêwerdanê di maweyê cejina Qurbanê de. têzanîn ku li vê dawiyê Banka Navendî biryarek derxist bi berdewamiya dana diravên biyanî bo bazarê bi şêwazên ku berê nedibûn di rojên în û şemiyan de, da bihinvedana dawiya heftiyê nehêt bikaranîn bo bilindkirina nirxê beramber.
jêder : Hevbendî+ Sede