Di berdewamiya kiryarên Partiya Yakîtiya Demuqrat PYD di derheqê gelê kurd de li parêzgeha Hesekê, ciwanek temen biçûk ji bo tevlîbûna hêzên leşkerî hate revandin.
Alan Deqorî temenê wî 16 sal e, ji xelkên bajarê Amûdê ye, niha li navendeke perwerdeya leşkerî ya bi ser Yekîneyên Parstina Gel YPG bicih bûye, li gor ragihandina Malbata wî ji malpera me re.
Malbatê tekez kir ku Alan berî demekê ji mal derket û venegeriya, û piştî lêkolîn û gerê , me naskir ku li navendeke leşkerî ya YPG li Dirbêsiyê ye .
her wiha Malbatê bal kişand ku rêveberiya navnda leşkerî rê neda wan ku kurê xwe ji navendê derxînin, bi behaneya ku ew bi razîbûna xwe tevlî wan bûye.
Ibrahîm Ehmed endamê ofîsa yasayî ya Encumana Niştimanî ya Kurd ev bûyer bi tundî Şermezar kir û got” PYD û hêzên xwe yên çekdar ji mêj de ciwan û zarokan direvînin û tevlî xwe dikin û ev kiryar ne yasayî ne” .
Ehmed diyar kir ku PYD li gel rêxistinên Netewên Yekbûyî li ser rêkeftina ne bikaranîna biçûkan di nav hêzên leşkerî de imze kiriye, lê ew pabendiyê bi wê rêkeftinê nake.
Jêder: Hevbendî
