Encumana xwecihiya Amûdê ya bi ser Encumana Niştimanî ya Kurd li Sûriyê ENKS, bîranîna yekemîn ya pakrewaniya Pêşmerge Aldar Hewas Eyno li goristana Şermola li bajarê Amûdê roja Înê 26-10-2018 vejand.
Serokê xwecihiya Amûdê bi navê ENKS û malbata pakrewan xêrhatin bi hemû kesên beşdar ku tevî rewşa keş û hewaya ya ne aram beşdarî vejandinê bibûn kir
Gotina emîndariya giştî ya Encumana Niştimanî ya Kurd li Sûriyê ji hêla endamê emandariyê Muhsin Tahir ve hat xwendin û têde behsa bilindiya nirxên pakrewaniyê kir .
Tahir di gotina xwe de got ku pêşmergeyan li Dijî rêxistina DAIŞ û Milîsên Iraqî destane tomar kirin, û ji cîhanê tevî re rawatiya doza Kurdî tekez kirin.
Ji hêla xwe ve Fêsel Ehmed gotina malbata pakrewan da û têde spasiya xelkên Amûdê û Encumana Niştimanî ya Kurd li Sûriyê ENKS kir.
Tê zanîn ku pêşmerge Aldar Hewas Eyno di 26-10-2017 li kurdistana Iraqê di şerê li dijî milîsên Heşda Şe’bî de bû pakrewan.
Jêder : Beşê Kurdî ji Nivîsgeha Ragihandinê ya Hevbendiya Sûrî