Doh, êvarê Balafirên Rûsî zincîreyek êrîşên asîmanî li ser gund û bajarokên Idlibê pêk anî, û di encam de 30 welatiyên sivîl di nava wan de zarok û jin hebûn jiyana xwe jidest dan, û bi dehan kes birndar ketin û hin ji wan birînên wan giran in.
Herwiha devera (Erîha) li Başûrê Idlibê rastî du êrîşan hat, yek jê li Çiyayê Erbîn bû, û yan din li ser bazareke gelêrî di nava bajêr de bû; û di encama wê êrîşê de komkujiyek hat pêkanîn, ku 9 welatiyên sivîl di nava wan de jinek û kesek ku navê wî nehatiye nasîn jigundê (Orm El-Coz) hatin kuştin, û derdora 27 welatyên sivîl birîndar ketin ku di nava wan de 3ê zarok birînên wan giran in, û ziyanek madî ya mezin gihişte wê deverê.
Ji aliyê xwe ve balafirek şerker ji coreyê “Mêg 23”, ser bi rêjîma Esed ve bû, êrîşek bi rokêtên falahî bir ser devereke sivîlan di nava bajarokê “Cercenaz” de, ku di encamê de 3ê jin û zarokek ji yek malbatê, malbata (Al Hisên)şehîd ketin, û 3ê kesên din bindar ketin, herwiha wêranek mezin gihişte xaniyên armanckirî.
Balafirên Rûsî hin êrîş birin ser her yek ji bajarokê (Seraqib- EL-Timana-Al-Naciyê)li Gundewarê Idlibê, bêyî ku ti ziyanên canî li dûv xwe bihêle û tenê ziyanên madî hebûn.
Balafirên Rûsî Doh, komkujiyek li bajarokê(Tirmanîn) li Rojavayê Idilbê pêk anîbû, di encamê de 17 welatiyên sivîl şehîd ketibûn, û bi dehan jî birîndar bibûn.
Jêder:Hevbendî
