Firokên dijminkariya Rûsî kuştareke nû pêk anîne û bi dehan şehîd û birîndar bûne li bajarokê Mihêmîda li Gundewarê Rojava yê Dêra zorê piştî ko bazareke gelêrî nêzîk qişleya bajêr hat amanckirin.
Çalakvanan ragihandiye ko heman Firokan êrîş dane ser bajarê Meyadîn û bajarokê Ebû Hemam û Şihêbîl û Heqilê Omerî yê Petrolê di encamê de çend kes birîndar bûne.
Hevbendiya Niştimanî ya Hêzên Şoreşê û Hevrikiya Sûriyê diyar kir ko tiroristiya Rûsî bi bal tawankariya Esed ve diçe ko ji qestî sivîlan amanc dikin û bi cûreyekî diyar ewan dikujin çimkî ew armanceke hêsan in, ew bizavê dike ko tiştekî li ser xakê misoger bike, çimkî ji gava têwerdan kiriye û li aliyê Esed şer kiriye dest bi wêrankirina Gundan kiriye û sivîlan dikuje.
Hevbendiya Niştimanî ya Hêzên Şoreşê û Hevrikiya Sûriyê tekez kir ko berdewamiya binpêkirina Rûsya û Rêjîmê ji biryara 2254 re ya ko dibêje yekser êrîşan li dijî sivîlan birawestînin. Tekez kir ko bêdengiya Civaka Navdewletî li ser tawankariyên Rêjîmê û hevalbendên wê der barê sivîlan û arzankirina xwîna mirovan heta evê pileyê şerm û têkçûneke mirovî ya mezin e.
Tê zanîn ko Firokên Rûsî operasiyoneke tund birine ser Gundewarê Dêra zorê û di çend rojan de dora 160 kesî ji sivîlan şehîd ketine, bê ko çi paşketin li bal rêkxistina Daiş ya tirorist çê bibe.
Jêder: Hevbendî
