Di bin duruşma “na ji tekrewiya biryarên çarenivîsî re”, bi sedan xelkên bajarê Qamişlo û li ser vexwendina her sê encumanên xwecihî yên bi ser Encumana Niştimanî ya Kurd ve îro 13 Mijdara 2015 derketin mangirtinekê li dijî biryarên tekalî ku Partiya Yekîtiya Demuqrat dide.
Kesên Mangirtin kirin nerazîbûna xwe ji biryarên PYD mîna guhertina pêbazên xwendinê , leşkeriya neçar , ferzkirina bacan ,desteserkirina malên xelkê … di riya bilindkirina silogan û duruşman re nîşan dan, her wiha Fesla Yûsif cîgira serokê ENKS û Necah Hîvo endama emîndariya giştî ya ENKS gotar xwendin û têde tekezî li ser pêşketin û guhertinên qonaxê kirin û tekezî kirin ku qunaxa hestyar li ser me ferz dike em bi rengekî ciddî li ser van pêşveçûnan rawestin û cudahiya nerînan nekin nakokî û berberî ku bibe sedema tunekirina pêşeroja nifşekî ji gelê me.
Hêjayî gotinê ye ku asayişên bi ser PYD ve riyên sereke yên tên bajêr girtibûn û dorpêçek ewlekariyê li dora cihê xwepêşandanê di dema hejmarek mezin ji cemawer civiyabûn çêkirin û tengasî çêdikirin û hin kes hatin girtin.
Jêder : Hevbendî
