Cîgirê serokê Hevbendiyê Mistefa Oso got: “Tev spasî û rêzgirtina me ji hikûmet û miletê Elmanî re, û hikûmetên Ewrupî yên dî û milletê wan, bo pêşwaziya wan ya gerim ji penaberên Sûrî re ên ku ji ber mirinê reviyan ,lê her ku milletê Sûrî deryayê qut dikin û sînoran ber bi penagehên aram derbas dikin zehmetkêşiya wan mezintir dibe, ew jî ji ber rezîlî, pîskirin, û metirsiya bi rê ve tê pêş wan, û gelek caran dibe sedema ku jiyana xwe ji dest bidin”.
Oso berdewam kir ku penaber di vê geşta xwe ya dijwar de,hewcedariya wan bi alîkariyên lezgîn heye, çi bûjenên hawarçûnê, nojdarî, û şîrê zarokan bin, herweha Oso bal kişand ser zehmetkêşya jinên ducanî yên ji ber rewşa xerab neçar bûne tevlî rewşa wan ya taybet riyên dijwar û sînoran derbas bikin , û riswabûn û kêmasiyên dibînin bi taybetî dema hin ji wan ji encama westana rê, berê xwe li devrên giştî datînin û tûşî metirsiya mirinê dibin.
Oso bal kişand ku dibe awayê danustendina tewş di pêşwaziya penaberan de wan bêçar bike ku li pêlên metirsiyê siwarên ta bi çi awayî be bigihêjin Elmaniya yan dewletên Ewrupî yên dî ku deriyên xwe li pêş kesên ji agirê şer reviyane û jiyana xwe û zarokên xwe di ber vê gihiştinê de xistine tehlukê.
Jibilî wilo gelek ji welatiyên dewletên cîran xwe dikin penaberên Sûrî, û penaberên rastîn ku malên wan wêran bûne û ji malên xwe hatine derbiderkirin, kêmtirîn kesin ku sûdê ji mafê penaberiyê li dewletên ku mafê penaberiyê didin Sûriyan werdigrin.
Cîgirê Serokê Hevbendiyê tekez kir ku sedema sereke bo koçberiyê rejîma Esed a kujer e, ku şer li ser milletê xwe ji berî çar salan ve ragihandiye. Û çareya rasteqîne ji pirsgirêka penaberên Sûrî re, karê ceddî ji hêla Civaka Navdewletî ve ye, ku li rex milletê Sûrî dijî sedemkarê mişextî, koçberî, û penaberiyê raweste, mişextiya ku sedema wê tawanên rejîmê derheqê milletê Sûrî de ye, û belevkirina wî ji mirin û wêraniyê re li seranserî welat, û anînan rêxistinên tirorist û belvkirina wan li ser tevaya xaka Sûriyê.
Jêder: Hevbendî