Seroka Navenda Ewropa ya lêkolînên kurdî “Êva Salizborg” hişyarî da li ser gihiştina binpêkirinên li ser mafên mirovan ji aliyê mîlîşên “PYD” ê ve dibin bo astên metirsîdar.
Salizborg bal kişand ku wan kampaniyek ragihandiye bi navê “na ji leşkerkirina zarokan re ji aliyê PYD’ê”, ji bona bidawîkirina bikaranîna zarokan di şer û leşkeriyê de ji aliyê mîlîşên ” PYD”ê ve, herwiha amaje bi kiryarên tepeserkirin û bidarvekirinê kir yên rêxistin li dijî sivîlên navçeyê û li dijî rojnamevanan û siyasetmedarên kurd dike, û got “nabe ku şer bibe bihane bo binpêkirinên PYD’ê ji mafên mirovan re”.
diyar kir ku navenda navhatî ku bargehê wê li Almaniya ye, di sala 2009an de dest bi pirojeyekî kiriye li jêr navê ” Kurd wotch” bi armanca dûvçûna binpêkirinên rêjîma Esed ji nafên mirovan re, yên li dijî kurd û Ereban dibin, û got ku ” her ji sala 2012an ve em qonaxeke xirab dibînin piştî radestkirina navçeyên bakurê welat ji aliyê hêzên rêjîmê ji bo çekdarên PYD’ê, ku qonaxek nû destpê kir, têde gelek binpêkirin li ser mafên mirov hatine pêkanîn û ji binpêkirinên rêjîma Esed zêdetir in, û bitenê cudahî ew e bi kurdî diaxivin li şûna erebî, ” PYD’ê rêjîmek weku rêjîma Elbe’is” çêkiriye.
Lêkolînera bi regez Almanî ye, balkişand ku “PYD” ê baskê “PKK” ê yê Sûriyê ye, hevdem tekez kir ku hîç ciyawaziyek di navbera wan de nîne, û xuya kir ku rêxistina navhatî di sala 2003an de li Çiyayê Qendîlê ji aliyê “Osman Ocilan” ve hatiye damezrandin, ku PKK’ê “PYD” ê ava kir ji bona hevgirtina endamên PKK’ê li Sûriyê û ji bona berdewamiya çalakiyên wê li Sûriyê, piştî derketina Ebdulah Ocilan ji Sûriyê.
Salizborg tekez kir ku gotinên dibêjin ku “PKK”, salên dawiyê hatiye guhertin, ku êdî miletê xwe nakuje û bûye rêxistinek siyasî, ne dirist in, û got “ku ew lênîrîna erênî ya li ser raya giştî li rojava derbarê PYD’ê rengvedanê ji rastiya tişta dibe di navçeyê de nake.
Herwiha got: “pêwîst e rojavastan bi aliyê bi pirçekirina wê dirabe têbigihe, û pêwîst e bikûrî encamên çavrêkirî binerxîne, ku berpirsiyaretiya binpêkirinên ji mafên mirovan re dibin dikeve li ser stûyê aliyên piştgir ji yên bi binpêkirinan dirabin, ku gelek kesên sade hene bawerin ku PYD’ê bi bicihkirina mafên dîmokrasiyê yên sereke dirabe, lê yên dizanin dizanin ku ev yek ne rast e, dibêhin ” ku em bi çekdarîkirina wan dirabin ji ber ku aliyek din nîne”, lê PYD’ê wan çekan netenê li dijî DAÎŞ’ê bikar tîne”.
Salizborg got ku PYD’ê zilmê li gelê kurd yê Sûriyê dike, û bi tepeserkirina kurdên ne bi ser “PKK” ê ve dirabe, û got: ku “PYD” ê zilmê li dijî kurdên Sûriyê yên ne li ser riya wê bi kar tîne, û lênêrînên dijber qedexe dike, û herwiha bidarvekirina dijberên rêjîma Esed her ji sala 2011an ve dirabe, û serkutkirina rojnamevan û çalakvanên serbixwe, ku bêhtir ji 100 siyasetmedarên kurd di girtîgehên wê de hene, tevî êrîşkirin û şewtandina nivîsîngehên partiyên tevgera kurdî, û girtina endamên wan, zêdebarî kiryarên eşkence û lêdanê di girtîgehên wê de”.
Herwiha Salizborg hat li ser behsa çîroka keçekê ku berî du salan karîbû ji serbazgehên “PKK” ê li bakurê Îraqê bireve, û çawa bi alîkariya wezareta derve ya Almaniya gihişt Almaniya, ku got ” wê ji me re got ku ew ji Qamişlo hat revandin û ew birin serbazgehekê li bakurê Îraqê, gelek zarok di serbazgehê de, yên ku dixwest ji serbazgehê birevin hebûn, lê çekdarên PKK bidarvekirina keçeka 17 salî li pêşiya hemû zarokan di nîva serbazgehê de rabûn, piştî ku 9 caran hewla bazdanê kiribû, û me karî vê keçê rizgar bikin û bînin Almaniya bi piştevaniya wezareta derve ya Almaniya, û niha digel xêzana xwe dijî, PKK hewl dide dîmenê xwe şayik bike bi rêka gotgotên xwe ku ew hatiye guhertin”.
Herwiha derbarê têkiliyên PYD’ê bi rêjîma Esed re, Salizborgê amaje kir ku “Bişar Esed” bi xwe bi awayekî eşkere di sê hevpeyvînên xwe de got ku wan bakurê Sûriyê radestî PYD’ê kiriye û wan ew bi çek kirine, û diyar kir ku hevkariya di navbera Esed û PKK’ê de li ser binyatên biragmatîk dirabin î.
Jêder: Anadol
