Amojgeha Netewên Yekbûyî ya rahênan û lêkolînan di rapora xwe ya ku li ser wêneyin di riya satalaytan re hatine kişandin, eşkere kir ku 290 wargehên şûnamayan dema ku Beşarê Esed hewl dida şoreşa Sûrî têk bibe ziyan gihaye wan. Di raporê de hat ku 24 wargeh bi temamî wêran bûne, 189 wargeh bi dijwarî yan di asteke nîvçe de ziyan li wan bûye, 77 wargeh ji wan dibe ku ziyan gihabe wan, ew jî wargehin dîrokî ne, vedigerin ” Elenda Şaristaniyê “, û tê nasîn ku dîrok û cuxrafiya Sûrî gelek şaristanî di ser re derbas bûne.
Gelek avahî û wargehên dîrokî ketin ber bumbebaranên tewş ji hêla hêzên Esed ve, herweha ew ji xwe re kiribûn mîna xalên spartinê wek mizgefta Emewî li Helebê ku kete ber wêran û talankirinê, û keleha Helebê ku hêzên Esed ew kirine serbazgeheke leşkerî û segvan li ser dîwarên wê belav kirine, tevlî ku tê zanîn ew ji ” kevintirîn kelehên cîhanê” ye.
Li Helebê tenê gelek wargeh hene rêxistina Netewên Yekbûyî ya Perwerde, zanist, û çandê “Yonisko” wan dixe lîsteya keleporê cîhanî de. Gelek dizî û talankirin ji gorên Tedmur yên dûrokî re çêbûn, gelek şûnmayên Romanî yên kevnar li bajarê Besra kevin ku vedigerin serdema Bîzentî ziyan li wan bûn, û artêşa Esed keleha Elhisin ya navdar berî ku vegerîne mehekê bumbebaran kir. Herweha di raporê de hat ku wargehin li Reqa hene temenê wan hezar sal e bandora bumbebarankirina rêbazkirî ku Esed derheqê sivîlan bikar tîne lê bûye. Amojgehê di drapora xwe de bi kurtayî got: ” Ev belgeyek bitirs e li ser ziyana berdewam li kelepora çanda Sûrî a fireh “.
Hêja ye gotinê ku wezareta rewşenbîriyê di Hikûmeta Demkî de di meha Tîrmeha bûrî de kargehek kar ku di parastina şûnamyên Sûrî de pispor e lidar xist, gelek rêxistin û kesayetiyên di warê şûnamyan de pispor in lê amade bûn, ji giringtirîn armancên wê belgekirina şûnmayên ku rejîma Esed ew revandine dervî welat.
Jêder: Hevbendî