Alayên Me’ireket Elnesir Nexweşxana Cisir Elşixûr li Gundewarê Idlib bi temamî kontrol kirin. Piştî ko 27 rojan dorpêçkirî ma, ji dema ko bajar hate rizgarkirin.
piştî ko hêzên Esed ji Rêjîmê dilsar bûn ko nema dikare ewan ji dorpêça Şoreşgeran rizgar bike, biryar dan ji Nexweşxanê birevin. Bi taybetî piştî Beşar Elesed ko di gotara xwe ya dawî de ya di 6 evê mehê de li Dibistanên Zarokên Şehîdan li pêşberî dilxwazên xwe soz da ko dorpêçê ji ser Nexweşxanê rake.
Piştî ko Şoreşgeran ew hino hino ji nexweşxanê bidûr xistin û şer di navbera her du aliyan de çê bû, di encamê de bi dehan ji hêzên Esed hatin kuştin û yên mayî hin reviyan û hin jî bûn hêsîr.
Serokê Hevbendiya Niştimanî Sûrî Xalid Xoca tekez kir “Serkeftinên miletê Sûrî cîhan daye ber ketwariyeke siyasî ya nû, Rêjîma Esed direve û miletê Sûrî biser dikeve”.
Xalid Xoca tekez kir”Serkeftinên qehremamên me li Idlib, Hema, Laziqiyê, Heleb, Dera û Şamê berpirsiyariyekê dide ser milê her yekî ji me ko bizavên xwe bike, û ligel hev bin û nakokî û cudabûnê ji navbera xwe rakin, û mil bi mil kar bikin da rêveberiya herêmên rizgarkirî biser bikeve.” Di heman çax de gotinên Rêjîmê û mirîdên wî mandel kir û got ne tenê Aliyek van serkeftinan pêk tîne “Ev serkeftin ya alayên corbicor e ,Serkeftinek ko miletê Sûrî qelenê wê buha daye, serketina hemû miletê Sûrî û ne ya aliyekî bitenê ye. ”
Xoca lihevkirina Hevbendiyê bi hêzên Şoreşger yên sivîl û leşkerî tekez kir” bi her paşketineka Rêjîmê re gerek bizav pir bibe da Birêveberiya Herêmên rizgarkirî bi bêlayen û hevbeşbûn biser bikeve.
Xoca tekez kir ko Hevbendiya Niştimanî Sûrî “Çi lihevhatineke siyasî rûxandina Rêjîmê ber çav negire, ew napejirîne û di çi pirojeya aştiyane de beşdar nabe eger armanca pêşî ne Rêjîmeke azadiya tekûz li Sûriyê deyne”.
Jêder: Hevbendî
