Xwecihiya Amûdê ya bi ser ENKS ve, rêkeftin bi 15 nûjdaran re kiriye da welatiyan bê beramber derman bikin.
Li ser vê mijarê Ebdulwehab Mihemed serokê xwecihiya Amûdê got ku ji ber rewşa abûrî ya xerab û nebûna alîkariyê bo miletê kurd, em wek Encuman, me serdana hin nûjdaran kir û ji wan xwest ku bê beramber nexweşên rewşa wan ya aborî ne baş e derman bikin, û wan jî li ser daxwaza me erê kir û xwe dan ber vî karî.
Her wiha Mihemed got ku ji nêzî salekê ve em bi vî karî rabûne, û berî demekê me bawernameyên rêzgirtinê li wan bijîşkan belav kirin.
Mihemed nîşan da ku her bijîşkek di heyvê de 10 nexweşan derman dike, ango di heyvê de alîkariya 150 kesî dibe, û hinan jî xwestin ku jimarê bikin bêhtir ji 10 kesan .
Tê zanîn ku rola sereke ya encumanên xwecihî yên Encumana Niştimanî ya Kurdî siyasî ye, lê her xwecihiyekê hin komîtên civakî , ragihandin , xizmetguzarî , çalakî ….. ji xwere pêk anîne, da ku li gor derfetên xwe alîkariyê bi welatiyan re bikin.
jêder: Hevbendî
