Roja yekşemê 9/9/2018, li barega Hevbendiya Niştmanî ya Sûrî li bajarê Stenbolê, Şandeke Ferensî ya ku ji Franso Sînîmo şanderê serokê Ferensa û cîgirê qusulê Ferensî li Stenbolê Fabîrîs Dîbilşîn û pisporê karûbarê rojhilata navîn di wezareta derva ya Ferensî de Piyêr Arno Bolinşar , Hevdîtinek bi nûnerên Encumana Niştimanî ya Kurd re pêkanîn, li kêleka civînên desteya giştî ya Hevbendiyê di xula wê ya niha de.
Û aliyê Ferensî tekezî li ser bizavên xwe bi şanderê navdewletî Stîva De Mestora re kir, ji bo giringiya ku hejmara kurdan di komîta destûrê de guncayî be bi rola wan û giraniya wan a demografî re, û hêviya xwe derbarê destpêkirina komîta destûrê ji karê wê re di nêzîktirîn dem de anî ziman.
Her weha şanda Ferensî tekez kir ku şêweyê nenavendî wê mafê kurdan bide wan ji bo destnîşankirina çarenûsa xwe di Sûriya paşerojê de. Û got ku jinûveavakirin û vegera penaberan bi destpêkirina prosesa siyasî û serkeftina wê li Sûriyê têkildar e.
Û ji hêla xwe de, Şanda Encumana Niştimanî ya Kurd ya ku ji birêzan Abdulbasit Hemo, Hewas Egîd, şelal Gedo û doctor Zuhêr Muhemed û Şêxmûs Ico pêk dihat, rewşa dever û bajarên Kurdî li Sûriyê şirove kir, her weha bizavên Encumana Niştimanî ya Kurd ji bo zêdekirina nûnertiya xwe di komîta destûrî de, û giringiya ku biryarên wê komîtê bi lihevkirinê bin, û çareserkirina Kêşa Kurdî li Sûriyê li gor bend û yasayên di ser destûrê re, da ku ew maf nekevin bin bandora piraniya dengan di paşerojê de.
Her weha tekezî li ser giringiya rola Firensayê di doseya Sûriyê de bi giştî û ya kurdî bi taybetî kirin, ji ber peywendiyên mukum yên Encumana Niştimanî û Hevbendiyê bi Ferensayê re.
Herweha aliyê Kurd tekezî li ser giringiya parastina sivîlan li Idlibê kir, û encamên şerê ku heye li Efeînê çêbibe, ji ber pêlên koçberan yên ku pêşbînkirî ye çêbibin.
Jêder: Beşê Kurdî ji Nivîsgeha Ragihandinê ya Hevbendiyê