Nûnerên Encûmena Kurdî di Hevbendiya Niştimanî de, digel Con Wod Kok Endamê Perlemanê Birîtanî û cîgirê serokê Koma hevalên Sûriyê doh Duşembê li Istanbûlê civiyan.
Kok di derbarê mijara Sûriyê de rexneya helwesta welatê xwe kir û got ew helwesteke lawaz e, hem piştgiriya xwe ya tekûz ji mafên Miletê Kurd re li Sûriyê diyar kir.
Ji aliyê xwe ve Nûnerên Kurd di Hevbendiyê de nerazîbûna xwe ya tund li ser benda yekem ji belgeha çarçoveya cîbicîkirinê ya ko nakok e bi ketwara Sûriyê ya piralî û reseniya pêkhatiyên wê re.
Her wiha Nûnerên Encûmenê li ser rewşa girtina PYD bikar tîne axivîn, ko heta bi serpereştên rêza yekem ji Encûmena Niştimanî Kurdî û Kadirên wê û çalakvanên civaka sivîl ji aliyê PYD ve hatine girtin.
Hem jî li ser rewşa abûrî ya têkçûyî û baca ko PYD li ser xelkê feriz dike û kar tenê di destê hevalên xwe de dihêle, û hevwelatiyên Kurd asteng kirine.
Destnîşan kirin ko alîkariyên mirovî yên ko digihên wan tenê li ser heval û dostên xwe belav dikin, û miletê Kurd yên mayî jê bêpar dikin.
Û li ser rewşa xwendinê ya têkçûyî jî axivîn, ko PYD rêbazeke xwendinê bi naverokeke pûç û bi îdyolociyeke aşop li ser herêmên Kurdan feriz kiriye, ko çi alî danpêdanê pê nake, ev jî dihêle xwendevanên herêmên Kurdan ji xwendinê bêpar bibin, û xwendina xwe ya zankoyê berdewam nekin û ev li ser biwara fêrbûnê li herêmên Kurdan metirsiyeke mezin e.
Her weha li ser guherîna dîmugrafî ya metirsîdar li herêmên Kurdî ya bi sedema zêdegaviyên PYD axivîn, ko êdî gefê li hebûna netewî Kurdî û kêşeya wî dike, û bi taybetî leşkeriya neçar û leşkerkirina piçûk û zarokan û tevlêkirina wan nav rêzên PYD ko li dijî pirinsîbên mafên mirovan e.
Di pey re endamên Encûmenê destnîşan kirin ku nehêlana PYD ji derbasbûna hêzên Pêşmergeyên Roj re bo Sûriyê, ji ber sedemên siyasî û partîtî ne.
Ji aliyê xwe ve Endamê Perlemanê Birîtanî matmayîna xwe diyar kir, û soz da ko ewê van kirdeyan ji koma ko tê de kar dike re pêşkêş bike.
Jêder: Hevbendî
