Şanda nûnertiya Ewropa ya ENKSê, roja pêncşemê 12/1/2017an li Berlînê, hevdîtinek bi wezareta derve ya Almaniya re pêkanî, ew hevdîtin ligel rêvebirê tîma taybetmend bi fayîlê Sûriyê Adriyan Pol bû, û bi amadebûna Nîna Horî rawêjkara fayîlê Sûriyê di wezaretê de.
Herwiha şanda nûnertiya Ewropa ji berêzan Rêzan Şêxmûs serokê nûnertiya ENKSê li Ewropa û Kejal Derwêş endamê nivîsîngeha têkiliyên derve ya nûnertiyê û Neşat Zaza endamê ofêsa siyasî ya PDK-S ê.
Di hevdîtinê de, babetên girêdayî bi rewşa kurdî û Sûriyê bi giştî û pabendnebûna rijêma Sûriyê bi agirbestê, û herwiha berdewamiya rijêmê di bombebarankirina Wadî Bereda û Idlib û gundewarê Helebê, û ev yek wê bandorek nerênî li hevdîtina çaverêkirî li Asîtana bike hatin gengeşekirin.
Herwiha di hevdîtinê de vexwendina Rûsiya ji partiyên kurdî re bo civîna li Himêmîm li ser daxwaza jeneralê Rûsî û amadenebûna ENKSê ji ber niyazên Rûsiya yên ne zelal hat gengeşe kirin.
Û wezaretê pirsyar kir der barê reşnivîsa pirojeyê destûra ji aliyê ENKSê tê amadekirin û mîkanizma ku ENKSê dixwaze pê kar bike ji bo biryarê li ser bide di kongirê xwe yê çaremîn de.
Ji aliyê xwe, wezaretê pîrozbahî li berêz Neşat Zaza kir li ser serbestberdana wî ji girtîgehên PYDê, û tekez kirin ku wezaretê rewşa wî berdewam dişopand, ji ber ku ew hemwelatiyê Almaniya ye, û ji aliyê xwe ve, Neşat Zaza ji berpirsên wezaretê re li ser rewşa revandina xwe li ser destê çeteyên PYDê û mana xwe zêdetir ji sê heyvan di girtîgeheka xirab de ku bi sedan girtiyên siyasî yên din ji serkirde û endam û alîgerên ENKSê ya rikbera siyasetên PYDê têde bûn axivî, herwiha bi awayekî berfireh li ser diyaredeya revandina serkirde û çalakvanên ENKSê ji aliyê çekdarên PYDê, û ku hêjî gelek ji wan ev bû zêdetir ji pênc heyvan di girtîgehên PYDê de ne axivî.
Li dawiya hevdîtinê, herdu alî yeknerîn bûn li ser berdewamiya hevdîtinan di navbera ENKSê û Wezareta derve ya Almaniya de, ji bo alîkariya hemû pêkhateyên gelê Sûriyê di pêkanîna guhertina demokratîk û çareseriyek rewa ji doza kurdî re li Sûriyê.
Jêder: Nûnertiya ENKSê li Ewroa
