Nûnertiya ENKSê ya herêma Kurdistanê îro roja înê 19/8/2016an navendek ji bo pêşwaziya sersaxîxwazên şîna serkirdeyê partiya Yekîtiya Kurd li Sûriyê û serokê Encûmena Kurdî yê berê Sma’îl Hemê li hola Aştî li Hewlêrê vekir bi amadebûna hin xizm û kesên gorbuhuşt.
Û serokê ENKSê û tevaya endamên nûnertiya wê li herêma Kurdistanê û endamên Hevbendiya Niştimanî ya Sûrî şelal Gedo û şandên partiyên Kurdî û Kurdistanî di wê sersaxiyê de beşdar bûn.
Û serokê ENKSê û sekretêrê partiya Yekîtî di gotareke xwe de behsa jiyan û têkoşîna Sma’îlê gorbuhuşt kir, û got ku koçkirina wî ziyanek mezin ji tevgera siyasî û gelê kurd li sûriyê bi tevayî re bû.
Hêjayî gotinê ye ku roja çarşembê 18/8/2016, Sma’îl Hemê serkirdeyê partiya Yekîtî li Sûriyê û serokê berê yê ENKSê, di encama kirîzeke dil de li Qamişlo koça xwe ya dawî kir, û laşê wî li cihê jidayikbûna wî gundê Til Dîk yê bi ser bajarê Dirbêsiyê ve bi xakê hat spartin.
Jêder: Hevbendî