Hêzên Esed şerê xwe li ser gund û bajarokên Xûta rojhilat berdewam dikin, taxên niştecihan bi guleyên topan û mûşekan amanc dikin, û di encamê de çend sivîl şehîd ketine û hin birîndar bûne, û zarok jî di nav wan de hene.
Çalakvanan ji Xûta rojhilat li gundewarê Şamê gotin ko duh şehîdek ketiye û hinên din li Eyn Tirma li gundewarê Şamê birîndar bûne, bi sedema topbaranê û mûşekan ji hêla hêzên Esed ve, yên ko taxên niştecihan amanc kirine ji ber hewildanên berdewam ji bo têwerdana bajêr.
çalakvanan gotin ko hêzên Esed bi top û mûşekan bajarokê Seqba û Otaya û taxa Cober ya Şamê amanc kirine, di encamê de yek şehîd ket û sê kes birîndar bûne, diyar kirin ko bombebaranê ji sibehê ve bi mebest malên niştecihan amanc kirine, û heta dawiya şevê berdewam kiriye, ku ev du meh in êrîşên hêzên Esed û milîtanên mezhebperest berdewam in.
Digel van êrîşên leşkerî yên hêzên Esed û milîtanên mezhebperest, hemû herêmên rizgarkirî dorpêçkirî ne, û nahêlin alîkariyên mirovî yên ku Netewên Yekgirtî wan dişîne bigehên, ko ev jî binpêkirineke din e ji biryarên navdewletî re yên derbarê Sûriyê.
Jêderin bijîşkî berê hişyarî dabûn ji çêbûna bobelateke mirovî derheqê bi sedan nexweşên penceşêrê li Xûta rojhilat ya Şamê, û bi taybetî dema nehêlin derman di hefteyên dahatî de derbas bibe.
Doktora Wisam Elriz birêvebera navenda Elrehme ji acansa Enadol re tekez kir ko 559 kes ji nexweşên penceşêrê bi sedema nebûna derman li ber mirinê ne.
Jêder: Nivîsgeha Ragihandinê ya Hevbendiya Niştimanî/Acans
