Çalakvanan di alavên danûstandina civakî de kurtevîdyoyek nûçegihênê televizyona rêjîmê Şadî Hilwa, digel çend şervanên hizbulaha tirorist belav kiriye, tê de Hilwa parçefilmekî amade dike, da ji temaşevanan re biweşîne û diyar bike ku ew şerek rastî ye, lê tê de xuya dike ko Hilwa û rêjîm dixwazin xelkê bixapînin, û bûyerên destçêkirî wek rastiyê şanî wan bidin .
Li gora vîdyoya derketî, Hilwa tomarkirinê çend caran ji bo serasrtkirinê vedigerîne, û di wê vîdyoyê de ew ji şervanekî hizbulaha Libnanî dixwaze ko bi şêwezarê Sûrî bipeyive û ne bi yê Libnanî, ji bo nasnameya wî ji xelkê veşêre, ev kar eşkere dike ko rêjîm û ragihandina xwe bêbextî û sextekariya rêbazkirî ji destpêka şoreşê ve û heta nuha bi kar tînin.
Li gora vîdyoya derketî Şadî Hilwa ji şervanekî hizbulaha Libnanî dixwaze ko bi zaravayê Sûrî bipeyive û fermanê bide leşkerekî Sûrî yê din ji bo avahiyeke şoreşgeran amanc bike, û Hilwa dîmena “lîstikvanî” di dema wênekêşane de dibirre û hevokê ji endamê hizbulah re bi zaravayê Sûrî dibêje û dawî di gotina devoka Sûrî de serdikeve, û avahiya amanckirî bombebaran dike û wênekêşanê bidawî dike, tako ji temaşevanan re bidin xuyakirin ko ew leşkerên Sûrî ne, û ev diyar dike ko milîtan li hemû aniyên şer hene û leşkerên Beşar di artêşê de bûne yên kêm, eger mirov bi milîtanên sînorbir re bipîve.
Çalakvanan diyar kirin ko ev tomarkirin ji şerên Helebê yê dawî ye, yê ko di encamê de rojhilatê bajêr di dawiya sala çûyî de koçber kirin, û destnîşan kirin ko ev vîdyo di mobîlê leşkerekî kuştî de hatiye dîtin.
Jêder: Nivîsgeha Ragihandinê ya Hevbendiya Niştimanî+ Acans
