Çekdarên Partiya Yekîtiya Dîmuqrat PYD xwepêşindaneke penaberên kampa Newroz li Dêrikê ya bi ser parêzgeha Hesekê ve ji hev belav kir, ew xwepêşindana bo pirotestokirin û redkirina revandina zarokên wan ji hêla PYD ve û birina wan bo leşkeriya neçar bû.
Çalakvanên meydanî yên Dêrikê gotin ku çekdarên PYD komek ji xortên Kurd ji penaberên êzîdî yên kampa Newroz girtbûn, û ew li nêzîk goristana bajarê Dêrikê kom kiribûn. Û destnîşan kirin ko jin û zarok di nav xwepêşinderan de hebûn, û ji tirsa çekdarên PYD reviyan û xwe li malên derdorê veşartin.
Bêtir gotin xwepêşandan ji kampa Nerwroz derket û ber bi Dêrikê ve meşiya li ser rêka Eyn Dîwar, çekdarên PYD ketin pêşiya wan û ji hev belav kirin, ji xwepêşindaran re gotin “me li Şingalê hûn ji Daiş parastin, qeciya me li ser we heye, û redkirina we ji leşkeriya neçar re tê wateya hûn piştgiriya Daiş dikin.”
Tê zanîn ko partiya yekîtiya dîmuqrat PYD bi sedan xort û keçên êzîdî birine leşkeriya neçar, piraniya wan ji kampa Newroz in, û ew birine şerên li derveyî herêmên Kurdan wek Reqa, Tebqa, Minbic û Dêra Zorê.
Jêder: Beşê Kurdî yê Nivîsgeha ragehandinê/Rojava news
