Piştgiriya ji bo “kaniya aşitiyê” ya Artêşa Niştimanî ya Sûrî û artêşa Tirkiyê li seranserî deverên rizgarkirî yên Sûriyê zêde dibe, ku armanca wê kontrolkirina dever, bajarok û gundên li rojhilatê Firatê ji destê PYDê ye.
Operasyona kaniya aşitiyê, ji aliyê bi dehan koçberên Minbic, Serêkaniyê û Erebên rojhilatê Firatê hat pêşwazîkirin, û duhî xwepêşandanek li bajarê “Cerablus” yê rojhilatê Helebê ji bo piştgiriya oparesyona hevbeş ya li dijî PYD hate lidarxistin.
Li gorî çalakvanên Minbicê ragihandin, niştecîyan pêşwazî li operasyonê kirin ji bo ew vegerin bajarên xwe û gundên ku ji wan koçber bûne, û tekez kirin ku ew dixwazin ji cîhanê re bêjin ku ew xwedanên axê ne, û DAIŞ û piştre PYD ew ji çend salan ve koçber kirine.
Xwepêşanderan nerazîbûna xwe ji têketina hêzên rêjîma Esed bo deverên wan diyar kirin, û destnîşan kirin ku armanca operasyona “Kaniya Aşitiyê” vegerandina mirovên koçber û penaber bo malên wan e, û tekez kirin ku ev yek dê pêk neyê eger hêzên rêjîmê kontrola Minbic û deverên mayî bikin.
Herwisa ku xwepêşandanên piştevaniya operasyonê li nav bajar û bajarokên başûrê gundewarê Idlibê derketin, di nav de Kefir Taxarim û Mi’ret al-Nouman, û xwepêşandan li bajarên Bab, Azaz û Cerablis jî li gundewarê bakurê Helebê derketin, bo piştgiriya kontrolkirina hêzên Kaniya Aşitiyê ji bajarê Manbicê re.
Ji alîyê xwe ve, Hevbendiya Niştimanî ya şoreş û rikberiya Sûrî dubare amaje bi amadebûna artêşa niştimanî kir da ku şerê terorê bi hevkarî û xebata hevbeş ligel birayên li Tirkiyê bike, da ku berjewendiya neteweyî ya gelê Sûrî bi hemû pêkhateyên wê de bicî bike, û nehêle çi rêxistineke terorîstî xaka Sûrî bikar bîne, ji bo gefan li ewlehî û aramiya welatên cîran bike.
Jêder: Ofisa Ragihandina Hevbendiya Niştimanî Sûrî
