Partiya Yekîtiya Demuqrat PYD, îro Şemiyê 24-12-2016, çar girtiyên Encumana Niştimanî ya Kurd li Sûriyê ENKS (Bextiyar Resûl , Mahir Erbo , Niçîrvan Şukrî û Omer Salih Cemîl) piştî çar heyvan ji binçavkirinê ji zindana Elaya serbest berdan.
Endamê komîta herêmî ya Partiya Dîmuqratî Kurdistanî – Sûriya PDK-S Bextiyar Resûl ku îro serbeset hatibû berdan, ji malpera me re ragihand ku ew bê tawanên diyar çar heyvan di zinanên PYD de binçavkirî man, tenê gunehê wan ewbû ku beşdarî rêwresmên bixakspartina pakrewanekî bûbûn.
Li ser rewşa girtiyan Resûl got “rewşa hin girtiyan xirabe û bi taybet mamoste Mihemed Ismaîl û Xeyas Ismaîl ku pêwîstiya wan bi neştegiryeke bilez heye”.
Tê zanîn ku girtiyên ENKS ji 15 û 16ê heyva Tebaxê ve di zindanên PYD de binçavkirîne.
Jêder: beşê kurdî ji nivîsgeha ragihandinê
