Partiya Yekîtiya Demoqrat PYD Selah Beyro endamê Komîta şêwermendiyê ya Partiya Dîmuqratî Kurdistanî- Sûriyê PDK-S, îro Sêşemê 20-12.2016, li bajarê Qamişlo serbest berda.
Berdana Selah Beyro hat piştî ku xwişka wî çû ber dilovaniya Yezdan, li gor tekeziya Nafi’ Ebdulah endamê Komîta navendî ya PDK-S ji malpera me re.
Her wiha Ebdulah diyar kir ku endamê Komîta wan ya şêwermendiyê di zindana esayişên PYD ê de rastî hin piresgirêkên saxlemiyê hatibû û ti çareseriya bizîşkî ji wî re ji hêla rêveberiya zindanê ve nehatibû pêşkêşkirin.
Tê zanîn ku Selah Beyro li gel hejmareke mezin ji endam û alîgirên Encumana Niştimanî ya Kurd li Sûriyê ENKS di 16-8-2016 ji hêla çekdarên PYD ve li bajarê Tirbespiyê hatibûn binçavkirin.
Jêder: Hevbendî
