Rêveberiya zindana Elaya ya ku di destê Partiya Yekîtiya Dîmuqrat PYD de, serdana malbatên girtiyên Encumana Niştimanî ya Kurd li Sûriyê ENKS ji wan re qedexe kir, piştî çar heyvan ji binçavkirina wan.
Omîd Yûsif hevjîna Ebdela Gedo endamê Komîta navendî ya Partiya Yekîtî ya Kurd li Sûriyê, yê ku ji 15-8-2016 ji hêla PYD ve hatiye girtin, ji malpera me re ragihand ku hevjînê wê di pêwendiyeke telîfonî de jêre got ku rêveberiya zindanê ew bi qedexkirina serdanan ta demek ne diyar agahdar kirin, û bi tenê derfeta pêwendiyên telîfonê her hefteyê carekê daye wan .
Û di heman mijarê de, hatiye zanîn ku rewşa tendurstî ya hin girtiyan xirab bûye, û nexwaşiyên giran bi wan re çêbûne, mîna Mihemed Ismaîl endamê Komîta siyasî ya Partiya Dîmuqratî Kurdistanî- Sûriya PDK-S, û Selah Beyro û Xeyas Ismaîl û Mahir Erebo endamên heman partiyê, li gor tekezkirina malbata Mahir Erbo ji malpera me re.
Malbata Erebo ragihand ku kurê wan bi nexweşiya Reboyê ketiye, û rewşa wî xirab e, û rêveberiya zindanê tu guhdana tenduristî bi kurê wan nekiriye, û rewşa wî roj bi roj xerabtir dibe. .
Tê zanîn ku 11 girtiyên ENKS ji 15 heyva tebaxê de di zindana Elaya de girtîne .
Jêder: Beşê Kurdî Ji Nivîsgeha Ragihandina Hevbendiyê
