Di sala xwendinê ya 2014-2015an de rêjeya xwendekarên sûrî di dibistanên herêmê de bi rengekî balkêş zêde bû, û li hember vê yekê wezareta perwerdeyê jî karîbû dibistanan ji wan re dabîn bike, ne tenê ji penaberên sûrî re lê yên ji parêzgehên Îraqê jî hatine herêmê û bi du şêweyan,yê yekem vekirina dibistanên nû ji beşekî ji xwendevanan re , û şêweyê diwem bi alîkariya dibistanên kurdî bi terxankirina dema piştî nîvroj ji wan penaberan re, û tevî kû pilana wezaretê nikarîbû penberan tevan li xwe bigire.
Û di riya şopandina me weke malper ji rewşa xwendinê di nav penaberan de me dît kû wezareta perwerdeyê îsal guhdanek baş da xwendevanên sûrî, Em Karin bêjin kû di kampan tevan de dibistan çêbûn û bi hersê qonaxên xwendinê û bi rêbazên Erebî wekû penaberan li welatê xwe dixwendin , û tiştê balkêş kû ew dibistanên hatine damezrandin û zarokên penaberan tê de dixwînin tevde bi nav û nîşanên bajarên kurdî yên li Sûrî ne ( Efrîn – Rojava – Qamişlo – Kobanî – Cezîrê – Ceger Xwîn ) lê diyardeya herî giring kû ew xwendevan dixwazin vegerin welatê xwe û xwendina xwe li wir berdewam bikin.
Jêder : Hewlêr Hevbendî – Hîwa can
