Çalakvanin meydanî, îro gotin ku tevgera derbiderbûna xelkê ji gund û bajarokên gundewarê Heleb û Idlbê hîn ranwestiyaye, ji ber berdewamiya helmeta leşkerî ya hovane ji aliyê rêjîma Esed û sponserê wê yê Rûsî li ser deverên azad li bakurî sûriyê.
Û Tîma Hevrêzkarên Bersivdanê ya Sûrî di daxwiyaniyeke xwe de li ser rûpela xwe ya media civakî duh sêşembê anî ziman ku, 61,384 malbat di 19 rojan de ji gund û bajarokên gundewarên Idlib û Helebê derbider bûne, ji ber helmeta leşkerî ya rêjîma Esed û Rûsiyê.
Û Tîmê di daxwiyaniya xwe de diyar kir ku 349,889 kes di dema di navbera 16 heyva borî ta duh sêşembê ji gundewarê Heleb û Idlib û Hemayê reviyane, û bal kişand ku hinek di nav derbideran de hene 6 caran ji ber helmeta rêjîmê û Rûsiya revîyane.
Û Tîma Hevrêzkarên Bersivdanê ya Sûrî, di 3 heyva borî de derbiderbûna bêtir ji 328 hezar kesî di dema 2 heyvan de tomar kir, ji ber helmeta leşkerî ya hêzên rêjîma Esed û Rûsiya li ser bajar û gund û bajarokên parêzgeha Idlibê.
Û Hevrêzkarên Bersivdanê daxwaza rawestandina helmeta leşkerî ya Rêjîmê û Rûsiya kir, bi taybet piştî ku gihîştin derdora parêzgeha Idlibê, ya ku tê de 1,2 melyon kes dijî, û ji rêxistinên navdewletî û herêmî û xwecihî xwest ku helwesteke şermezarkirinê hember tewanên dijî sivîlan dibin bistînin.
Ji aliyê xwe ve Hevbendiya niştimanî ya Hêzên şoreş û rikberiya Sûrî,tekez kir ku tiştê li gundewarê Idlib û Helebê dibê, berpisyariya civaka navdewletî ye, ji ber nekarîna wê derbarê parastina herêma ku bêtir ji 4 melyon kesî lê dijî. Jêder: Ofîsa Ragihandinê ya Hevbendiya Niştimanî ya Sûrî
