Tîma Hevrêzkarên Bersivdana Sivîl ya Sûrî, operasyonên leşkerî yên hêzên rijêmê û Rûsiya li deverên bakur rojavayê sûriyê şermezar kirin, û bal kişand ser ku ji destpêka vê salê de hejmara binpêkirinên rijêmê û Rûsiya sînorê 289 binpêkirinan derbas kir.
Û Hevrêzkarên Bersivdanê di daxwiyaniyeke xwe de anî ziman ku balefirên cengê yên Rûsî hejmarek ji deverên li gundewarê bakurê Idlibê armanc kirin, her weha bi sedan binpêkirin ji aliyê hêzên rijêmê û milîsên pêve girêdayî ji despêka rêkeftina ku di 5 heyva adara 2020an de hatiya îmzekirin pêk hatin.
Û daxwiyaniyê got ku bombebaran tnîşaneke metirsîdar e li gel armanckirina deverên sivîlan û kampan bi awayekî taybet ji aliyê balefirên Rûsî ve, û bal kişand ser ku hejmara kampaên li deverên Şêx Behir û Herinboş û Ermenaz û Kefirtexarîm û deverên derdorê zêdetir ji 116 kampî ye, û binpêkirinên vê dawiyê tirsiyeke mezin din nav derbideran de çêkir.
Û rapora Hevrêzkarên Bersivdanê daxwaza kar li ser rawestandina binpêkirinan ji tevaya aliyên têkildarê karûbarê sûriyê kir, û ku destûrê bidin sivîlan daku vegerin deverên xwe, û hişyarî ji vegera operasyonên leşkerî û zêdekirina derdeseriyên sivîlan da, û cext kir ku dever nikare barê tevgereke derbideriya nû hilgire, nemaze di dema ziyanên mezin di kampan de bi dirêjiya heyva bûrî.
Jêder: Ofîsa Ragihandinê ya Hevbendiya Nişrimanî ya Sûrî
