Toreya Sûriyê ya mafên mirovan di raporteke xwe de duh çarşembê, kuştina 435 kesan li Sûriyê, 145 ji wan zarok in û 85 jin in, di heyva borî de bi destê Rûsya û hêzên Beşar Elesed û hevpeymana navdewletî, belgeh kirine.
Di raportê de hatiye ko 39 komkujî di heyva borî de li Sûriyê bi giştî çêbûne, 16 ji wan firokên Rûsya pêkanîne, û 186 sivîl ku 65 ji wan zarok in û 35 jin in, li parêzgeha Dêra zorê ya li rojhilatê welat hatine kuştin.
Toreyê got ko hêzên Esed 11 kuştar li Dêra zorê, Idlib, Hema, Şam û gundewarê wê pêkanîne, di encamê de 93 kes ku 28 ji wan zarok in û 20 jin in hatine kuştin.
Toreyê di raporta xwe de diyar kir ko firokên hevpeymana navdewletî neh kuştar li bajarê Reqa yê rojhilatê welat di heman heyvê de pêkanîne, di encamê de 104 sivîl ku 37 ji wan zarok in û 25 jin in hatine kuştin, Her weha toreyê di raporta xwe de kuştina 4 kadirên bijîşkî û şeş binpêkirinên dijî navendên bijîşkî û yên berevaniya sivîl li Sûriyê di heyva borî de çêbûne belgeh kirine.
Toreyê daxwaz ji Netewên Yekgirtî û Encûmena Ewlekariyê kir ko cezayan bidin ser kesên destê wan di pêkanîna van kuştaran de heye, û dosya Sûrî rakin dadgeha tawankariyên navdewletî û rêjîmê bi derbaskirina rêkxistin û alîkariyan bo herêmên dorpêçkirî pabend bikin.
Toreya mafnasiyê daxwaz kir ko navê milîtanên li rex rêjîmê şer dikin, yên ko kuştar derheqê miletê Sûrî de pêkanîne wek milîtanên Îranî û Hizbulah û Alayên Şê’î û Artêşa berevaniya niştimanî têkin lîsta tiroristiya navdewletî de.
Jêder: Nivîsgeha Ragihandinê ya Hevbendiya Niştimanî
