Çalakvanan gotin ko duhî sêşembê sê sivîl şehîd ketine û 17 kes birêndar bûne, di bombebarana hêzên rêjîma Esed û Rûsya bi bêtir ji 46 êrîşên asmanî û 38 guleyên topxaneyan 16 bajarok û bajarên gundewarê Idlibê bombebaran kirine.
Raporta mafnasiyê anî ziman ko hêzên Esed yên bejî û yêm asmanî û firokên Rûsî bêtir ji 30 komkujî ji destpêka operasiyona dijminkarî li ser herêma kêmkirina şerî pêk anîne.
Toreya Sûriyê ya mafên mirovan di raporteke xwe de duhî sêşembê tekez kir ko binpêkirinên hêzên hevbendiya rêjîmê û Rûsya 32 komkujî pêk anîne, 747 sivîl di sê mehan de hatine kuştin.
Raporta toreya mafnasiyê got ku ji nav yên ko bi destê hêzên rêjîmê û Rûsya hatine kuştin, 192 zarok û 131 jin û bêtir ji 2783 sivîlan birîndar bûne.
Her weha raportê 316 bûyerên binpêkirinan li ser navendên zindîdar li bajêr, di pêvajoya operasiyona leşkerî ya berdewam li ser herêmê ji 26ê nîsana bûrî de û heta 23 vê mehê tomar kirine.
Netewên yekgirtî ragehandiye ko wê kuştina bêtir ji 400 sivîlî li herêmên kêmkirina şerî ji dawiya nîsana bûrî ve belgeh kirine, di kongirê rojnamevanî de duhî sêşembê li New York, destnîşan kir ko êrîşên duşemê çêbûne, di nav êrîşên di sê mehên bûrî de yên herî xwîndar bûn.
Cîgirê hevrêzkarê herêmî yê karûbarê mirovî yê qeyrana Sûriyê, Mark Kats, dibîne ko rewşa parêzgeha Idlibê ya bombebarana asmanî û komkujiyên rojane wek kabûsekî ye, û bal kêşand ser ko rewş bêtir xirab dibe.
Netewên yekgirtî dîsa daxwaza xwe dubare kir, ko êrîşên li ser sivîlan bidawî bikin, û jêrxanên sivîl amanc nekin û rê bidin derbaskirina alîkariyên mirovî.
Hêzên rêjîmê û Rûsya di operasiyona xwe ya leşkerî ya asmanî û bejî de li ser herêmên bajarê Idlibê li herêma kêmkirina şerî ya ko ji 26 nîsana bûrî de heta bi gundê Hema, Idlib û Helebê û Laziqiyê berdewam in, û di encamê de bi sedan sivîl hatine kuştin û jêrxan wêran kirine, û bêtir ji nîv milyon sivîlî koçber kirine.
Jêder: Ofîsa Ragihandinê ya Hevbendiya Niştimanî ya Sûrî
