Tora Sûriyê ya Mafên Mirovan di raporta xwe ya duhî derket de, aşkere kir ko wê 72 awayên êşkenceyê ko rêjîma Esed hêj li zindan û nexweşxanên leşkerî bikar tîne belgeh kirine.
Torê di raporta xwe de anî ziman ko ne kêmî 1.2 milyon Sûrî ezmûneya girtinê ji destpêa şoreşa Sûriyê 2011 de dîtine, ji wan 130 hezar hêj girtî ne.
Torê got ku wê ji adara 2011ê heta eylûla 2019ê karîbû kuştina ne kêmî 14298 kesan bi êşkenceyê ji wan jî 178 zarok û 63 jin belgeh bike.
Torê di raporta xwe ya nû de wêne ji bo şirovekirina 72 awayên êşkencekirinê ko rêjîma Esed di zindanan de bikar tîne diyar dike, 39 awa ji wan êşkencedana laşî, û 6 awa neguhdana tendiristî û riswakirina rûmeta mirovî 8, û tundûtûjiya seksî 8 awa, û êşkenceya li nexweşxaneyên leşkerî 9, û du kirdeyêm xizmetê û diyardeya berdanê.
Di dawiya raporta xwe de tora mafnasiyê ji encûmena ewlehiya navdewletî daxwaz kir ku girtiyan ji êşkenceya heta mirinê biparêzin, û yên sax mane rizgar bikin, û alavekê bibînin ko rêjîma Esed bi rawestandina êşkenceyê pabend bikin, û cihê ku kelaxên girtiyan lê veşartine ji xelkên wan re aşkere bikin û wan radestî wan bikin.
Raportê daxwaz ji komelgeha giştî ya Netewên Yekgirtî kir ko dest bi destpêşxeriyê bike û pirinsîba “yekîtî ji bo aştiyê” cîbicî bike, bi sedema ko encûmena ewlehiyê bi vîtoya Rûsî û çînî pûç bûye û astengkirina Rûsya ji hildana rewşa Sûriyê bo dadgehan tawanên navdewletî.
Raportê got giring e hevalbendiyeke şaristanî çêbibe ji bo têwerdaneke siyasî û leşkerî bike bo sivîlên Sûriyê biparêze û bi dehhezarên girtiyan ji mirina bi êşkenceyê rizgar bike, çimkî encûmena ewlehiyê di parastina girtiyên li rex Esed de têk çû.
Jêder: Ofêsa Ragehandinê ya Hevbendiya Niştimanî
