Toreya Sûriyê ya mafê mirovan di raporta xwe de roja yekşembê, kuştina 108 kesan bi êşkenceyê di nîveka pêşî ji vê salê, 26 kes ji nav wan di cehzerana borî de belgeh kirine.
Di raporta toreyê de hatiye ko rêjîma Esed berpirsiyar e di ber kuştina 95 kesan de, û 5 kes bi êşkenceya bi destê Milîtanên Partiya Yekîtiya Dîmuqrat, û çar jî raportên kuştina wan bi aliyin nediyar ve girêdane.
Li gora raportê rêjeya herî bilind ya qurbaniyên bi êşkenceyê li parêzgeha Helebê û Dêra Zorê, li her yekê 15 qurbanî ne, û yê din li ser parêzgehên din belavkirî ne: 14 Dera’, 13 li her yek ji Hums û Şamê, 11 li Idlibê, heft li Gundewarê Şamê û şeş li Laziqiyê û Hema û çar li Hesekê û sê li Reqa û yek ji regezeke biyanî ye.
Raportê destnîşan kir ko berztirîn rewşa mirina bi êşkenceyê di nîveka pêşî ji salê de ye, bi kuştina 3 xwendevanên zankoyê, Ragihênerek, Berdestkekî bijîşkî, Dermanfiroşek, Kadirekî “Heyva Sor”, du werzişvan, hem sê kalemêr û merovên hev.
Toreya Sûrî ya mafê mirovan di raporta xwe ya salane de anî ziman ya ko di helkeftina roja cîhanî ya piştgiriya qurbaniyên êşkenceyê, got ku wê kuştina nêzîkî 13hezar girtî ji nav wan 161 zarok û 41 jin in, ko li zindanên rêjîmê bi êşkenceyê ji 2011ê ve hatine kuştin, belgeh kirine.
Toreya Sûrî ya mafê mirovan di raporta xwe de got ku hêzên Esed û yên Rûsî “yasaya navdewletî ya mafê mirovan ya ko mafê jiyanê diparêze binpê kirine.”
Toreyê raporta xwe bi daxwaza ji Encûmena Ewlekariyê û dezgehên navdewletî yên ko bi mafên mirovan têkildarin bidawî kir, da bi berpirsiyariyên xwe li himber tiştê çêdibin rabin, “ji operasiyonên kuştina di demên kurt de ya ko demjimêrekê namîne,” û daxwaz kir ko fişarê bidin ser rêjîma Esed ji bo operasiyonên bombebarana bi mebest rawestîne.
Jêder: Nivîsgeha Ragihandinê ya Hevbendiya Niştimanî/Acans
