Bajarê “Al-Senemên,” ji aliyê hêzên rejîma Esed, ji çend rojan ve bi tundî hatiye dorpêçkirin, ku rê hatine girtin li pêşiya gihandina keresteyên xwarinê û hatinûçûna welatiyan, ji encama hejmarek ji êrîşên li ser dezgehên asayîşê û navenda leşkerî.
Li gorî çalakvanên ji parêzgeha Der’a, hemû rêkên têne bajêr tevlî rêkên li nav zeviyan ji aliyê hêzên rejîmê hatine girtin, û diyar kirin ku piraniya keresteyên xwarinê û dermanên sereke li bazaran kêm bûne, her weha bihayê kirînê bilind e.
Û hişyarî ji anîna leşkeran bo bajêr ji aliyê hêzên rejîma Esed dan, wekî di çend bûyeran de bûye, ku bûne sedema ketina bi hezarên qurbaniyan.
Encûmena Parêzgeha Der’ayê ya azad, daxwaza rakirina dorpêçê ji ser bajêr kir, û got ku xelk baca “bêaqilî û pîsîtiya Şebîhe” didin, û bang li civaka navnetewî û rêxistinên mafên mirovan kir ji bo destêwerdanê û rakirina dorpêçê.
Ku car car dezgehên ewlekarî û navendên leşkerî yên rejîma Esed, rastî êrîşan tên, piştî kampanyên rejîmê yên desteserkirina bi sedên xort û çalakvanan û şervanên berê, tevî imzekirina peymanên bi darê zorê, ku bi garantoriya Rûsyayê hatibûn imzekirin.
Ji aliyê rejîma Esed ve , bi awayekî sîstemstîk, siyaseta dorpêç û birçîkirinê li dijî sivîlan li deverên cuda yên Sûriyeyê di heşt salên borî de tên pêkanîn, û raportên mafên mirovan piştrast kirine ku ev yek dibe bi armanca serkutkirin û bêdengkirina xelkê, ku ev siyaset bûye sedema mirina bi sedan, di nav de jin û zarok, ji encama birçîbûnê û nebûna saxlemî û guhdana nojdarî.
Jêder: Ofisa Ragihandinê ya Hevbendiya Niştimanî ya Sûrî
