Duh, Rejîma Esed bi bermîlên teqîner û topxaneya giran bajarokê El-Hame li Gundewarê Şamê bombebaran kir, di encampê de nexweşxaneya El-Selam û Navenda Berevaniya Sivîl hatin ji kar ketin, ambulansek hat têkbirin û du kes ji kadirên nexweşxaneyê şehîd ketin, û yekî din birîndar bû, herwiha di nava sivîlan de welatiyek şehîd ket û yek birîndar bû.
Di heman demê de şer û pevçûnên dijwar di navbera şoreşvanan û hêzên rejîma Esed de li berya El-Eyûn derketin, ku şoreşvanan karîbûn otombîleke leşkerî ji coreyê Şêlka têk bibin û hejmarek ji hêzên rejîmê bikujin û birîndar bikin.
Ji aliyê xwe ve, welatiyên bajarokê El-Hame li pêşya rêbenda Mesakinê Pasdarên Komarî xwepêşandanek li dar xistin têde daxwaz ji rejîma Esed kirin ku bombebaranê rawestîne, herwiha balafirên rejîma Esed û hevalbendên wê çend êrîş birin ser kampa Xan El-Şêx, di encamê de nexweşxaneya Xan El-Şêx wêran bû û dukes şehîd ketin û hejmarek birîndar bûn, û her yek ji bajarokê Eldêrxebiyê û Elmiqêlebiyê û zakya û Zebedanî rastî topbarana topxaneyê hatin.
Herwuha hêzên rejîma Esed nexweşxaneya “Şam El-Emel” li qudseya topbaran kirin, û di encam de wêranî çêbû û hin kes birîndar bûn.
Jêder: Hevbendî
