Hêzên rejîma Esed û Rûsyayê hêjî berdewam in di topbarankirina gundewarên Idlib û Hemayê, tevî hewldanên navnetewî yên ji bo rawestandina armanckirina sivîlan û pabendiya bi peymana Idlibê ya taybet bi cîbicîkirina agirbestê.
Çalakvanan ragihand ku bajarokê Has li başûrê Idlibê îro ji hêla balafirên şer yên rejîma Esed hat topbarankirin, û bû sedema şehîdbûna 2 zarokan û birîndarbûna hejmarek kesên din.
Herwiha çend cihên din li deşta Idlibê, di nav Me’ret al-Nu’man, Kefrnubul û Ma’ra Horma ji aliyê balafirên rejîmê hatin bombebarankirin, û çalakvanan piştrast kir ku taxên şêniyan û bazar û dikan hêjî ji aliyê rejîmê bombebaran dibin.
Duhî roja çarşemê, 17 qurbanî ketin ji encama êrîşên balafirên şer yên rejîmê li ser bajarê Cisr al-Şixûr di nav de 10 kes birîndar bûn û 7 kes hatin kuştin, ku pênc birîndar yên birînên wan giran in ji hêla tîmên parastina sivîl bo bajarê Idlibê hatin rakirin.
Û êrîşên esmanî bi berdewamî ji hêla balafirên şer yên rejîmê û Rûsyayê li ser deverên mezin yên rizgarkirî li bakurê Sûriyê têne pêkanîn, hevdem ku Belçîka, Almanya û Kuweyt bang ji bo lidarxistina civîneke awarte ya Konseya Ewlekariya NY dikin, ji bo gotûbêjkirina vê êrîşkariyê.
Hevdem ku parêzgeha Idlib û bakurê bajarê Hemayê bi êrîşên esmanî bi top û mûşekan car car ji aliyê hêzên rejîmê û Rûsyayê têne bombebarankirin, û bû sedema kuştin û birîndarbûna sivîlan û kocberbûna bi deh-hezaran kesên sivîl, tevî ku deverên têne armanckirin dikevin çarçoveya peymanên Idlibê.
Jêder: Ofisa Ragihandina Hevbendiya Niştimanî ya Sûrî
