Rêjîma Esed Tevli Biryarên Navnetewî Di Bikaranîna Gaza Kilor De Berdewam e
Toreya Sûriyê ya Mafê Mirovan 125 rewşên derandina birayara Encûmena Ewlekariyê 2118 ji aliyê Rêjîmê ve, ji nav wan 56 derandinên biryara 2209 bi êrîşên ko Rêjîmê pêk anîne belege kirine.
Toreyê di raportekê de ko îro belav bûye bal kêşand ser ku ew binpêkirin hemû pêk tên di bin sîbera tekezkirina biryarên Encûmena Ewlekariyê 2118 û 2209 “ yên di wan de hatiye ; paşerojê de yên ku bi biryara 2118 nekin, ew dê li gora benda heftan ji peymana Netewên Yekbûyî bêne siza dan,” lê tiştek nebû û hêj Rêjîma Esed ji derveyî yasayê ye û hêj tawankariyên wî berdewam in.
Encûmena Ewlekariyê biryara hejmar 2235an li xwe girt , ew biryar derfetê dide ko vekolîneke hevbeş çê bibe ji bo berpirsiyarên bikarhênerên çekên Kîmawî li Sûriyê destnîşan bibin. Û Serokê Hevbendiya Niştimanî Sûrî Xalid Xoce xweşhaliya xwe da derbarê bizava ji bo berpirsiyarên bikaranîna çekên Kîmawî da ji bo dadê bêne pêşkêşkirin.
Xoce tekez kir ko hêj tawankar azad in û kuştaran bêtir dikin, piştî bûrîna nêzîk du salan li ser kuştara mezin li Xota Rojhilat nêzîkî Şamê ya ko 1500 şehîdî tê de çûn û bi hezaran birîndar bûn di tebaxa 2015an de û di pey re 120 êrîş li dijî Sivîlan bi gaza kilor bikar anîn.
Xoce destnîşan kir ko gerek biryara 2235 ew tawankarên rastiya gunehkariya berpirsiyarên Rêjîma Esed ji nav wan jî Beşar bi xwe jî yên ko desthilatiya tekûz di dest wan de ye û fermanê bi êrîşan didin piştguh nekiribana. Ew yên ko di pey re çekê tawankariyê radestî Rêkxistina qedexekirina çekên Kîmawî kirin li bin fişarê gava ko Encûmena Ewlekariyê biryara 2118 derxist.
Bal kêşand ser ko gerek Encûmena Ewlekariyê û li gora biryara 2118 li dijî Rêjîma Esed pêrabûnên tund li jêr benda heftan ya peymana Netewên Yekbûyî feriz bikirana, çimkî bikaranîna çekên kîmawî bi şêweyekî berdewam gelek tirsan tîne holê ko mercên di biryarê de bi tekûzî misoger nebûne.
Tê zanîn ko raporta Toreyê îro derçûye û berî du rojan ji bîranîna kuştara Kîmawî ya ko Rêjîma Esed ji du salan ve pê rabûye. Rêjîmê her du Xûteyên Şamê bi mûşekên bi serikên kîmawî bombebaran kirin di encamê de bêtir ji 1500 kesî piraniya wan zarok û jin bûn şehîd ketin û bêtir ji 10 hezar sivîlî birîndar bûn.
Jêder: Hevbendî
