Endamê Hevbendiya Niştimanî Sûrî Hewas Egîd got ko Rêjîma Sûrî hêj di tawankariyên xwe de berdewam e û li ser gelek benan dilîze.
Carina di rêya Hevalbendên xwe yên siyasî re dide xuyakirin ko ne li dijî çareseriya siyasî ye û ji aliyekî dî ve hêj di siyaseta sotandina hişk û ter de li piraniya herêmên Sûriyê berdewam e û ya dawî kuştara ko doh li Dûma pêk anî.
Egîd rabûna firokên Rêjîmê bi avêtina mûşekan li ser herêmên niştecihan bi amanca ko bêtirîn qurbaniyan ji sivîlan bikuje û kîna xwe ya li dijî milet derxîne pirotesto kir û anî ziman ku Firokên Rêjîmê derfeta xwe di bazarên dagirtî xelk de dibînin.
Egîd destnîşan kir ko Rêjîm wek rewişta xwe ya herdem pirinsîbên mirovî yên ko lêdana cihên niştecihan qedexe dikin têk dibe. Ew piştguh dike ko kirdeyên wî ji tawankariyên cengê ne û derdandina yasaya navdewletî dike.
Her wiha Egîd tekez kir ko tawankariyên Rêjîmê û Daiş hevûdu temam dikin ji aliyê alav û awa û amancan, Rêjîmê ya ko doh zarok û kal û jin li Dûma kuştin û Daiş jî ya ko mîna Rêjîmê zarok, jin û pîran dikuje û kuştara dawî ya Daliş ko li dijî niştecihên Kobanî kir, tu cudahî di navbera wan de nîn e.
Tê zanîn ko bombebarana hovane ya bazara gelêrî li bajarê Dûma li Gundewarê Şamê çê bû, û bêtir ji 100 sivîlî şehîd ketin û 300ê din jî birîndar bûn. Ev kuştar xelekeke ji zincîra kuştarên ko Rêjîmê û çeteyên Îranî, li Xûta Şamê û Idlib di hefteyekê pêk anîne , û bi kêmanî 450 sivîlî jiyana xwe ji dest dan piraniya wan zarok û jin bûn.
Jêder :Hevbendî
