Artêşa Sûrî Ya Azad, doh ragihand ko wan rêka “Etreya-Xenasir” girt, ku ew rêka bi tenê ye ya piştevaniya hêzên rêjîmê têre tên Helebê di gundewarê Hamayê re, û sê turumbêlên leşkerî yên hêzên Rûsî li ser wê riyê bi mûşekên lidjî mertalan yên şoreşgeran hatin têkbirin.
Ev pêşveçûn di dema destpêkirina qonaxa duyem ji cenga “Dastana Helebê ya mezin” de bû, ya ko têde şoreşgeran karîbûn derbasî pirojeyê 3000 şiqe bibin, bi amanca ko bigihên taxên rojhilat û dorpêçê ji ser wan rakin.
Milîtanên “Hizbulaha”tirorist ragihandin ko heşt endamên wê di şerê li dijî şoreşgeran roja pêncşembê li Helebê hatine kuştin, li gora jêderên Libnanî yên nêzîkî Hizbulah.
Endamê Desteya Siyasî ya Hevbendiya Niştimanî ya Hêzên Şoreşê û Rikberiya Sûriyê Miwefeq Nêrebiyê, xebat û cangorîbûna şoreşgeran ji bo rakirina dorpêçê ji ser taxên Heleba rojhilat bilind nirxand, her wiha doz li alayên artêşa Sûrî ya azad kir ko li bin sîwana pirojeyê niştimanî bibin yek.
Nêrebiyê bal kêşand ser ko şoreşger şerê liberxwedanê li Helebê li dijî milîtanên Beşar û milîtanên mezhebpewrest yên ko ji Îranê têne piştgirîkirin dikin, û destnîşan kir ko Rûsya hêjî bi rola dijminkarî li dijî miletê Sûrî radibe.
Endamê Desteya Siyasî rêzgirtina xwe ji xweragiriya sivîlên taxên Helebê yên rojhilat ên dorpêçkirî ên ko ji malên xwe dernakevin re diyar kir, û tekez kir ko mafê wan e bimînin, û hemû şêweyên koçkirina kotekî û guherîna dîmugrafî ya ko rêjîma Esed û Rûsya û Îranê dikin red kirin.
Jêder: Hevbendî