Destpêka sibeha doh Rêkxistina Daişa Tirorist êrîş birin ser bajarokê Til Temir û Gundewarê wî , şerekî beraberî yê tund di navbera wan û “Hêzên Yekîniyên Paradstina Gel” yên “PYD” de li Gundê Til Nesrî çê bû, di encamê de hin sivîl yek bi navê Ibrahîm Qadê û Zibêr Obêd hatin kuştin.
Ji aliyekî dî ve nûçegihanê me ragihand ko Navenda Asayişê ya “Partiya Yekîtiya Dîmuqrat” ket ber bombebaranê, di encamê de gelek birîndar bûn û ew ber bi Nexweşxana Qamişlo û Dirbêsiyê ve hatin şandin.
Jêderekî taybet ji malpera me re tekez kir ko gundê Til Nesrî Elreqbe, Til Hefyan yên ko dikevin Rojhilatî Til Temir û Rêbenda Rikûbe ketin bin destê “Daiş” û Hêzên Parastina Gel yên li ser Girê Rikûbê bi cih bibûn dorpêç bûne.
Tê zanîn ko Daiş di 23 sibatê de êrîş daye ser Til Temir û 11 Gund kontrol kirine, niştecihên wan ji birayên me yên Aşûrî ne, 250 kes piraniya wan Jin û Zarok revandine. Herwiha Merseda Aşûrî ya Mafê Mirovan nûçeyên berdana wan nerast derxistin û got: kesên hatine revandin ji aliyê Daişê ve nehatine berdan, lê belê em heta nuha hewldana berdana wan dikin.
Jêder : Hevbendî
