Merseda Aşûriyan got ko Rêkxistina Daiş ya tirorist Sibeha roja Pêncşembê li Gundewarê Hums li bajarê Qeryetên “Dêra Mar Ilyan” ji binî ve wêran kir. Dêr ji demeke nêzîk ve ketibû destê Rêkxistina Daiş ya tirorist û heta nuha çarenivîsa serokê Dêrê Baba Yaqûb Murad û rahib Bitris û 100 malên filehan yên di destê Daişê de ne nediyar e.
Berdevkê fermî yê Hevbendiya Niştimanî Sûrî Salim Elmislit tekez kir ko evê tawankariya kirêt ya ko yekîtiya Gelê Sûriyê amanc dike pirotesto kir. Dubare tekez kir ko Hevbendiya Niştimanî Sûrî bi parastina mafê hemû miletên Sûrî yên olî, regezî û siyasî pabend e. Hem jî got ko tawankariyên Rêkxistina Daiş bêtir milet bi hev ve girê didin û bizavên wan yekgirtî dikin tako rêkxistinê têk bibin û jêderê wê jî rêjîma Esed birûxîne.
Dêra Mar Ilyan Dêreke Siryanî ya kevnare ye. Di sedsala pêncê zayînî ava bûye. Rahiban jiyana olyarî, perestinî, mêvandarî û nimêjî heta dawiya sedsala hivdehan tê de dikirin. Û di 20 salên dawî de koma Mar Mûsa Hebeşî ya Rihbaniyetê ya ko Rahibê Yesûî’ yê hatiye revandin Pawolo Dalîlyo çê kiribû, nûjenkirina jiyana rihbaniyetê li Dêrê nû kir, dergehê wê li pêş mêvan û nimêjgeran vekir. Hem jî kirin navendek ji bo danûstandinê di navbera Olan de li seranserî cîhanê, Dêr ya Ebreşiya Hums û Hema û Nebek ya Siryanê Kasolîk e.
Jêder: Hevbendî