Toreya Sûrî ya mafên mirovan di raporta xwe ya duhî çarşembê de got wê kuştina 324 sivîlan meha nîsana bûrî belgeh kiriye, 161 ji wan bi destê hêzên Esed hatine kuştin.
Toreyê di raporta xwe de got ji nav 324 sivîlên kuştî 74 zarok û 44 jin bûn, diyar kir ko 161 sivîl bi destê hêzên Esed hatine kuştin ji nav wan 32 zarok û 22 jin û hêzên Rûsya 13 sivîl ji nav wan du zarok û du jin bi bombebaranê kuştine.
Toreyê tekez kir ko 124 sivîl ji nav wan 34 zarok û 16 jin hatine kuştin lê diyar nekiriye kîjan aliyan ew kuştine wek teqîna mayûn û bombeyan, her weha kuştina 54 kesan bi êşkenceyê ji wan 50 di zindanên rêjîmê de û sê di zindanên desteya Tehîrî Elşam û yek kes bi destê milîtanên PYD yên tirorist belgeh kirine.
Di raporta toreyê de hatiye ko rêkxistina Daiş berpirsa kuştina deh sivîlan e ji wan sê zarok û du jin û 12 sivîl ji wan jî zarokek û du jin bi destê milîtanên QSD û desteya Tehrîr Elşam çar sivîl kuştine, hejmara qurbaniyan ji destpêka vê salê giha 1101 sivîl li gora ko raportê aniya ziman.
Toreyê di raporeta xwe de destnîşan kiriye ko nekêmî 35 komkujiyan ko destpêka sala 2019ê ji nav wan 9 meha bûrî çêbûne, di navbera aliyên kartêker belavkirî ne hêzên rêjîmê du kuştar û Rûsya du û milîtanên Qesed yek û 4 bi destê aliyên nediyar ko toreyê ew binav nekirine.
Toreya Sûriyê ya mafên mirovan ji şandyarê navnetewî bo Sûriyê Cîr Bîdirson daxwaz kir ko yên tawankarî û komkujiyan dikin û yên bûne sedemên bingehîn ji wêrankirina peymanên kêmkirina şerî pirsotesto bike.
Toreyê di dawiya raporta xwe de ji encûmena ewlehiya navdewletî xwest ko biryarekê bo bikaranîna bombeyên goşeyî li Sûriyê qedexe bibe derxin wek ya derbarê qedexekirina çekên kîmawî , her weha fişara çar endamên herdemî bike ko fişarê bidine ser Rûsya bo piştgiriya xwe ji rêjîma Esed re rawestîne.
Jêder: Ofêsa Ragehandinê ya Hevbendiya Niştimanî