Li ser berdewamiya du rojan girtina nivîsgeha kenala esmanî a Kurdistan 24 li bajarê Qamişlo bûye mijareke sereke li ser rûpelên malperên civakî û hejmarek rêxistin û saziyên civaka sivîl û yên ragihandinê daxuyaniyan derbarê wê binpêkirinê belav dikin.
Dezgeha Kurdistan 24 roja Duşemê 2-9-2018 daxuyaniyek belav kir têde girtina nivîsgeha xwe li Qamişlo ragihand, piştî heyvekê ji qedexekirina karê kenalê li wê herêmê ji hêla Rêveneriya PYD ve .
Di daxuyaniyê de hat ku rêgirtina rêveberiya PYD ji karê wan re binpêkirineke ji mafê ragihandinê re.
Jêderkî ji Kurdistan24 ji malpera Hevbendiyê re diyar kir ku rêveberiya PYD berî heyvekê karê wan rawestandiye, û rê nedaye wan ku ew kar bikin, û ji wê demê de wan kar nekiriye.
Heman jêderî eşkere kir ku sedema rêgirtina PYD li ber karê wan vedgere dîdarek kenalê li gel Osman Oclan li ser gefên serkirdeyê partiya Karkirê Kurdistanê PKK Dewran Kalkan li ser herêma Kurdistana Iraqê .
Derbarê vê mijarê hejmarek rêxistin û saziyên civaka sivîl û yên ragihandinê daxuyanî derbarê wê binpêkirinê belav kirin.
Jêder: Ofîsa Ragihandinê ya Hevbendiya Niştimanî Sûrî
