Yekîneya kordînasyona Piştgiriyê (ACU) raportek taybet derbarê hejmara qurbanî û derbiderên ji encama êrîşên hêzên rêjîmê û Rûsya li ser deverên kêmkirina zêdegaviyan li ser herdu parêzgehên Idlibê û gundewarên bakurê Hema, û başûr-rojavayê Helebê, ji 1’ê adarê heta 24’ê tebaxa 2019’an belav kir.
Raportê tekez kir ku di dema navbirî de, 34 xalên bijîjkî, di nav de nexweşxane û klînîk, 32 dibistan, 26 mizgeft, 10 kampên koçberan, 9 nanpêj, 14 bazarên sivîl yên bi qerebalix û 17 navendên tîm û stafên parastin sivîl di dema kar dikirin ji bo çareserkirina birîndaran û rakirina term û kelexan ji bin wêraniyan ji aliyê hêzên rejîmê û Rûsyayê hatine topbaran kirin.
ACU bi riya tora lêkolînerên xwe qurbaniyên operasyonên leşkerî yên hêzên rêjîmê û Rûsya ji destpêka adara 2019 heya 24’ê vê mehê dokument kir, ku hejmara qurbaniyan gihîşt 1,166 sivîlan do nav wan de 262 zarok û 180 jin.
Raportê diyar kir ku, hejmara qurbaniyên gulebarana hêzên rêjîmê û Rûsya di meha gulanê de gihîşt 336 sivîlan, hevdem ku hejmara qurbaniyan di tîrmehê de gihîşt 308 sivîlan, û bal kişand ku dever ji şêniyên xwe hatiye valakirin ji ber bombebarana dijwar ya hevalbendiya rejîmê.
Di raportê de hat gotin ku di belavoka niha de ya Yekîneya Kordînasyonê di derbarê pêla koçberiyê de, lêkolînerên IMU karin koçberkirina 551.976 kesan bişopînin; piraniya wan ji parêzgeha Idlibê ne ku hejmara wan gihişt 469,393 koçberan, di heman demê de hejmara koçberên ji gundewarên Helebê gihîşt 82,583 kesî.
Tê zanîn ku Yekîtiya kordînasyona Piştgiriyê, yekem car raporta xwe ya yekem li ser hejmarên mirovên koçber di êlûna 2018 de belav kiribû, û têde koçberkirina 85,233 sivîlan bi belge kiribû, û raporta duyem di çileya 2018 de belav kiribû bi belgekirina koçberbûna 21,243 kesên sivîl, û sêyem raport di 7’ê gulana 2019’an de bi belgekirina kocberbûna 143,710 sivîlan, çaremîn raport di 19 gulana 2019’an de hate weşandin bi belgekirin kocberbûna 202.689 sivîlan.
Jêder: Ofîsa Ragihandina Hevbendiya Niştimanî Sûrî
