Rêxistina Ahîn ya çand û hunerê berdewam e di çalakiyên xwe yên çandî û Hunerî de li Hewlêr û kampên penaberan.
Mihemed Şirîf Berpirsê rêxistinê ji me re got “rêxistina AHÎN weke tevaya rêxistinên din li herêmê ji bo alîkariya penaberên sûrî hatiye damezrandin. Lê ji ber rewşa abûrî ya xerab me nikarîbû bi rola xwe ya mirovî li hember penaberan bi rengekî aktîv û rêkûpêk rabin.
M.Ebas berpirsê ragihandinê di rêxistinêde de li kampa dara şekranê da xuyakirin ku tevî kêmasiyên darayî me çend çalakiyên berbiçav li Hewlêrê û li gelek kampan lidar xistin, weke şevbihêrkên helbestî û şano , her wiha çapkirina pirtûkeke çîrokan ya nivîskar Nûr Şewqî bi navê “Bihna Kurdekî Bin Tavê” û xulên fêrbûna kumbiyûter û yên berderiya porê jin û zarokan li hin kampan hetin vekirin.
Perîhan endamke di rêxistinê de got “ez wek jineke kurd di riya vê rêxistinê re alîkariya jin û zarokên penaber bikim û jimara penaberên ku me porê wan tiraş kir giha 750 jin û zarokan.
Hêjaye gotinê ku Rêxistina AHÎN ya çand û hunerê , di 1/1/2013 de li herêma kurdistanê bi biryarek fermî ji desthilata herêmê hatibû damezrandin.
Jêder: Hevbendî – Hîwa Can / Hewlêr