Rêxistineke sûrî ya mafên mirovan diyar kir ku wê binpêkirinên berfereh li dijî jinan li Sûriyê belge kirine, di nav wan de kuştin, binçavkirin û îşkence, ligel destdirêjiya sêksî, û tekez kir ku rejîma Esed û hevalbendên wê berpirsyar in di ber gelek ji wan binpêkirinên dikevin rêza tawanên şer de.
Tora Sûrî ya Mafên Mirovan di raporteke xwe ya nû de bi boneya Roja Jinan a Cîhanî ya duhî roja înê bû, diyar kir ku hêzên rejîmê û milîsên wê 21 609 jin kuştine, 9901 ji wan zarok in, anku bi rêjeya 78 ji sedî ji tevaya hejmara jinên li Sûriyê bûne qurbanî, her ji destpêka şoreşa Sûrî sala 2011’an de.
Torê diyar kir ku hejmara giştî ya qurbaniyên jin li Sûriyê 27 hezar e, û tekezî li ser giringiya derxistina biryareke ferzkirî bi mafên bingehîn yên jinan kir, ku bi şêweyekî tekez wan ji kiryarên kuştina bêseruber û her destdirêjiya dijî wan biparêz e.
Herwiha Torê diyar kir ku hêjî 10026 jinên binçavkirî û bêserûşûn hene, û bal kişand ku nêzîkî 8160 jinan li rex rêjîmê binçavkirî ne, 439 ji wan zarok in, di heman dema ku milîsên “PYD” 471 jinan binçav dike, 309 zarok di nav wan de hene.
Û 89 jin li ser destê hêzên Esed bi işkencê hatinê kuştin, li gor raportê, 72 bi destê hêzên Esed û du jin bi destê milîsên “PYD”, û tevlî binpêkirinên li gor raporta torê wek “destdirêjiya seksî” bi nav kiriye, û got ku herî kêm 8032 bûyerên destdirêjiya cinsî hatine pêkanîn, leşkerên Esed û milîsên wî berpirsyar in di ber piraniya wan de (8016 destdirêjî).
Jêder: Ofîsa Ragihandina Hevbendiya Niştimanî ya Sûriyê
