Koma kar ji bo Filistîniyên li Sûriyê di raporta xwe ya herî dawiyê de, mirina 21 penaberên filistînî yên di zindan û girtîgehên rejîmê de ji ber îşkenceyê her ji destpêka îsal û heta 28’ê gulanê bi belge kiriye.
Tîma çavdêriyê û belgekirinê ya komê diyar kir ku nêzîkî 11 penaberan di meha nîsanê di bin îşkenceyê de hatibûn kuştin.
Komê di raporta xwe de da zanîn ku di meha çilê paşî de du bûyerên mirina di bin îşkenceyê de hatibûn bi belgekirin, û di meha reşemehê de mirina şeş kesan hatibû belgekirin, û mirina sê kesên din jî di meha gulanê de.
Komê da xuyakirin, ku 605 penaberên Filistînî di nav wan de 34 jin, hatine kuştin di bin îşkenceyê di girtîgehên Sûryê de her ji destpêka şoreşa Sûriyê ve.
Koma kar di raporteke pêştir de li nîva meha adarê, binçavkirina (1748) Filistîniyan bi rêya tora nûçegihanên xwe bi belge kiribû, û bal kişandibû ser hebûna hin malbatan bi tevahiya endamên xwe tevlî jin û zarok û kal û pîr û zarokên pêçekê di hundir wan girtîgehan de.
Tê zanîn ku rejîma Esad li vê dawiyê bi mebest navên girtiyên Fîlîstînî yên mirî di bin îşkenceyê di girtîgehên xwe di salên borî de bi riya belavkirina navên miriyan li ser ofisên desteya giştî ya penaberên Filîstîniyên Ereb li Sûriyê belav kirin.
Jêder: Ofisa Ragihandina Hevbendiya Niştimanî ya Sûrî
