Tora Sûrî ya mafên mirov “kuştina 872 sivîlan di Sûriyê de bi belge kir, ku ji wan 33% zarok û jin in”, û amaje kir ku ev rêje dibe ” nîşanderek xuya li ser armanckirina bimebest” ya sivîlan bi destê hêzên esed.
Tora navborî duhî roja çarşemê raportek derxist û têde behsa kiriyarên hêzên Esed û milîsên alîgirên wê hatiye kirin ku ” nêzîkî 498 sivîlan, û ji wan 89 zarok û 73 jin û 46 kes dibin eşkencê de hatine kuştin”, û bal kişand ku “hêzekê nêzîkî 49 sivîlan kuştin, ku di nav wan de 15 zarok û 9 jin hebûn û dihat gotin ku ew hêz hêzeke Rûsî bû”.
Herwiha raportê amaje bi kuştina 6 sivîlan bi sedema eşkence û lêdanë li ser destê milisên PYDê kiriye, ku zarokek di nav kuştiyan de heye.
Di rapirtê de hatiye ku 178 sivîl bi destê rêxistina DAÎŞ’ê hatine kuştin, û di nav wan de 21 zarok û 38 jin û 4 sivîlên din bi eşkencê hatine kuştin, herwiha Tora navborî di raporta xwe ya xulane de ” kuştina 15 kesan bi destê Hevpeymaniya Navdewletî dîkomînt kiriye, ku di nav de 8 zarok û 3 jin hene”.
Di raportê de, kuştina nêzîkî 30 sivîlî hatiye bi belgekirin, di nav de 2 zarok û 4 jin hene, ku hatine kuştin bi rûdanên niqombûna beleman di avan de, yan yên di rûdanên teqînan de, yên ku Tora Sûrî ya mafên mirov nekariye nasnameya encamderan destnîşan bike”.
Di raportê de hatiye ku “piştî rojekê bitenê ji ragihandina desteya bilind ya danustabdinan, ji sekinandina pişkdariya xwe di gotubêjên Jinêvê de di 19’ê nîsana bûrî de, hêzên rêjîmê û yên Rûsiya yekser dest bi bombebarankirina navçeyên ne dibin kontrola rêjîmê de kirin, da ku pêla kuştinê careke din weku berê vegere wek berî rêkeftina rawestandina karên dijminkarî”.
Jêder: Hevbendî