Tora Sûrî ya mafên mirov duhî raportek belav kir û têde komkujiyeke mezin ku bi destê hêzên Rûsiya hatiye pêkanîn belge kiriye, ew komelkujiya dijî navçeyekê ji navçeyên rêkeftina “kêmkirina tundutîjiyê”, û daye zanîn ku bi bombebarankirina bazarekê li bajarokê Atarib li gundewarê rojavayê Helebê, 79 sivîl hatine kuştin, û 8 zarok di nav wan qurbaniyan de hebûn.
Raportê diyar kiriye ku li roja duşemê 13’ê çiriya paşiyê 2017’an, li demjimêr 14:08, êrîşeke esmanî li ser navenda bajarokê Atarib li nêzîk sentera polîsan ji aliyê du firokên ku baskên wan nalivin hatiye encamdan, û tê pêşbînîkirin ku ew herdu firok Rûsî bin, û têde 79 sivîl hatine şehîdkirin, 8 zarok û 8 jin di nav wan de hebûn, û zêdetir ji 83 kesên din birîndar ketibûn, tevî wêrankirina gelek cihên bazarganiyê û navenda polîsan û navenda kilînîkgehên pizîşkî ya ser rêxistina pizîşkên bêsînor ve.
Raportê tekez kiriye ku herdu biryarên encûmena ewlehiyê 2139 û 2254 yên tekeziyê li ser rawestandina êrîşên bitewşî yên ji aliyê Rûsiya ve dikin, bi awayekî eşkere hatine binpêkirin, û tevî binpêkirina benda 8’ê ji zagona Roma ya bingehîn bi rêka encamdana tawana bimebest, ku ev yek dibe tawaneke şer.
Raportê diyar kiriye ku ji aliyê hevpeymaniya Rijêmê û Rûsiya û bi awayekî bimebest rêkeftina kêmkirina tundutîjiyê her ji dema destpkirina wê li 6’ê gulana 2017’an ve li navçeyên Idlibê û Xûta rojhilat û li Helebê hatiye binpêkirin, bi awayekî ku armanca vê hevpeymaniyê diyar kiriye ku ji bo pûçkirina her rêkeftinekê ye, ji bo serşorkirina civaka Sûrî, bi armanca ku gel çogên xwe ji wan re deyne erdê û xwe radestî Rijêmê bikin.
Raportê daxwaz kiriye ku fayilê Sûrî veguhêzin dadgeha tawanên navdewletî, ji bo dadgehkirina sercem tawankaran û cîbicîkirina piransîpên parastina sivîlan, û parastina giyanê xelkê Sûriyê û keltûr û hunera wan ji dizîn û talan û wêrankariyê, û zêdekirina sizayan li ser sercem dam û dezgehên rijêma Esed û rijêma Îranê û encamderên tawanên şer ên dijemirov li dijî gelê Sûriyê.
Jêder: Ofîsa Ragihandina Hevbendiya Niştimanî
