Komek Rojnamevanên Sûriyê daxuyaniyek belav kirin tê de parçekirina Sûriyê red kirin û yekîtiya niştimanî ya ko tu cudahiyê nake navbera milet û mezhebên Sûriyê tekez kirin.
Daxuyaniyê diyar kir ko avakirina dewleta Yasayê ya ko wekheviyê dike navbera hemû kesên civakê bê cudahî, her wiha sûr bûn li ser biryara Sûrî ya serbixwe û fermanan ji çi dewletê red dikin.
Daxuyaniyê diyar kir ko Rojnamevanên Sûrî yên bawer in bi hevbeşbûnê “li bîr tînin ko Şoreşa Sûriyê ji bo guherîna siyasî û rizgakirina ji Rêjîma zordar ya ko ziyan li hemû Sûriyan kiriye derketiye.”
Dauyaniyê got ko ew hemû biryarên piştî sala 1961ê û biryarên Rêjîma Esed yên ko kîn û nakokî di navbera civaka Sûrî de çandine napejirînin.
Daxuyaniyê bal kêşand ser ko Sûrî bizavê dikin da Sûriya azad ji hemû miletên xwe re be û nabe ko çi partî an firakisyon bibêje ew tenê nûnerîtiya Gel dike û ne ji mafê çi partiyê ye ko Kantonan an dewletên piçûk çê bikin ko rewşê delîve bikin û qeyrana welat ji xwe re derfet bibînin.
Daxuyaniyê tekez kir bo yekîtî û saxlemiya xaka dewleta Sûriyê û parçekirinê red dike, û doz li civaka navdewletî kir ko li kêleka Sûriyan biraweste dako yekgirtî bimînin û kîn û nakokiyê ji navbera pêkhatiyên Civaka Sûrî bidûr bixin, û rê nedin evan nakokiyên bi behaneya Rêjîma Esed an Rêkxistina Dewletê yên ko dixwazin Sûriyê bi mebest an bêmebest parçe bikin. Giring e tev de Rêkxistina Dewletê “Daiş” wek çeteyên tawankar bibînin û ew nûneritiya tu netewê nake, ew jî wek çi çeteyên ko dixwazin dîmugrafiyê biguherînin û sivîlan koçber bikin.
Her wiha Hevbendiya Niştimanî Sûrî tekez kiriye ku ew çi bazarên viyana milet armanc dikin red dike. Miletê Sûrî yê ko bi çareseriyeke giştî ku di encamê de yekgirtin û saxlemiya Sûriyê (xak û milet)dabîn bike. Miletê Sûrî ji tu kesî napejirîne ko tekoşîna rûxandina Rêjîmê dixwaze delîve bigire, ji bo planên xwe yên parçebûna Sûriyê pêk bîne çimkî ew li dijî ruhê Şoreşê ye û dîtinên wê ko ber bi Sûriyeke dîmuqratî sivîl ve biçin, tê de hemû hevwelatî li pêşberî yasayê mîna hev bin.
Her wiha Hevbendiya Niştimanî tekez dike ko hemû hêzên Şoreşê li dijî projeyê parçekirina Sûriyê ne bi çi behaneyê be bila bibe. û tekez dike ko ewê li dijî hemû hewldanên ji bo cudabûnê dibin derkevin û xweşhal e ko berdewam pabend in bi pirinsîbên Şoreşê tev ko gelek hewldan dibin ko ewê ji rêka wê derînin. Şoreşa ji bo geşepêdana Sûriya yekgirtî bi milet û xaka xwe, hem jî ji bo pakrewan û qurbaniyên Sûriyê baweriya xwe diyar dikin.
Jêder: Hevbendî