Îro roja duşemê wezîra derve ya firensa “Can Mark Îrolit”, got ku firensa daxwaza civîneke bilez kiriye ji girûpa kar re ya derbarê rawestandina karên dijminkarî, ji bona gengeşekirina binpêkirinên ji aliya Rûsiya û rijêma Esed tên kirin piştî destpêkirina bicihkirina agirbestê ji roja înê ve.
Îrolit ji rojnamevanan re got “hin nîşan gihiştine me ku êrîş berdewam dibin li ser navçeyên dibin destê artêşa azad de”.
Li ser perawêza civîna salane ya encûmena mafê mirov li NY, got ku ” Firensa daxwaza civîneke bilez kiriye ji komîta çavdêrîkirina bicihkirina rêkeftina rawestandina karên dijminkarî re”.
Û Hevbendiya Niştimanî jî daxwaz ji encûmena ewlehiyê kiribû ku bizavê bike der barê binpêkirinên ji aliyê rêjîma Esed bûne ji demjimêrên pêşîn ji agirbestê û heta niha.
Ku rêjîma Esed û firokên Rûsiya dagîrker her ji destpêkirina agirbestê ve, bêhtir ji 65 navçeyan bi çekên giran û topxane û bermîlên teqîner bombebaran kirine li bakur û başûrê welat, û bombebarankirin li van navçeyan bû: heryek ji Heleb û Idlib û Laziqiyê û Hema û Der’a û Şam û gundewarê wê.
Ji aliyek din, duhî bi sedema bombebarankirina Rûsiya li ser komeleya Elhadî li gundewarê Helebê, 12 sivîl hatin kuştin û ji nav şehîdan ev hatin naskirin: Şerîfa Nasir 23 salî, zarokek bi navê Fatima Sikerî 4 salî, zaroke li ber singê dayîka xwe Rehîma Sikerî 7 heyvî, Rama Sikerî 19 salî, hevjîna Mihemed Necar û tevî du zarokên xwe.
Jêder: Hevbendî + Wekalat
