“Toreya Sûrî ya mafê mirovan” di sala 2015an de 516 kuştar pêk anîne, ji nav wan 55 kuştar meha çilê pêşî yê derbasbûyî hatine belgekirin û Rêjîma Esed bi Bermîlên teqîner bombebarana taxên sivîlan li hemû herêman pirtir kirine.
“Toreya Sûrî ya mafê mirovan” di raporta xwe de diyar kir ko dijminkarên Rûsî 50 kuştar ji wan di beşê dawî ji sala buhirî 2015 de pêk anîne.
Raportê diyar kir ko kuştar li Gundewarê Şamê, Helebê, Hums û li Idlibê çê bûne. Hejmara qurbaniyên evan kuştaran gihaye bêtir ji 6 hezar kesan, anko heftane 10 kuştar çêdibûn û 120 Şehîdan jiyana xwe jidest didan. Lê Toreyê 15000 Şehîd di 2015an de belge kirine bi rêjeya 300 şehîd her hefteyê hene.
Her wiha Toreyê ne kêmî 11953 Girtî di sala 2015an de belge kirine ji nav wan 1418 kes di meha kanûna yekê de hatine girtin. Hêjayî gotinê ye ev hejmar û serjimar ya kesên ko Toreyê dikarîbû bi navên sêqolî wan belgeh bike. Lê gelek hene belgeh nebûne, çimkî hejmar li ser xakê ji wilo bi gelekî mezintir e.
Hevbendiya Niştimanî Sûrî di daxuyaniyên xwe yên berê de doz kiriye ko tawankarên Rêjîmê û pêşî Esed bi xwe bidin ber Dageha tawankariyan ya navdewletî û wekû Tawankarên cengê û kujer bêne sizakirin. Hevbendî dibîne bi beşdarbûna Rûsya digel Esed bi dijminkariya xwe di pêkanîna kuştaran de divê ew jî siza bibe.
Jêder: Hevbendî
