Toreya Sûrî ya Mafên Mirovan, di raporeke taybet bi sala borî 2019 ya di bin navê: “ Welatekî wêran û miletekî koçber”, eşkere kir ku 3364 sivîl, 842 jê zarok û 486 jin in, bûne qurbanî.
Û toreyê di rapora xwe de, zelal kir ku hêzên rêjîmê 1497 sivîl kuştin, 371 ji wan zarok 224 jin in, û hêzên Rûsiya 452 sivîlên 112 zarok û 71 jin di nav wan de hene, û li ser destê rêxistina daişê 94 sivîl hatin kuştin, 11 zarok û 7 jin di nav wan de hene, û bi destê rêxistinên tunrew 49 sivîl hatin kuştin, 45 kes jê li ser destê rêxistina Heyet Tehrîr Elşam in.
Û toreyê got ku 164 sivîl di nav de 50 zarok û15 jin li ser destê milîseyên PYD hatine kuştin, û got ku 68 sivî di nav de 20 zarok û 17 jin li ser destê hêzên hevpeymana navdewletî hatin kuştin, û toreyê kuştina 21 sivîlî, 8 jê zarok û jinek li ser destê togeyên leşkerî jiyana xwe jidet dan, û anî ziman ku 1019 sivîl, 264 jê zarok û 149 jin in, ji hêla kesên nediyar hatin kuştin.
Û rapora salane ya toreyê diyar kir ku hêzên rêjîma Sûrî 43 komelkujî çêkirin, û hêzên Rûsiya 22, û milîsên PYD 6, û hêzên hevpeymana navdewletî 3ê .
Û raporê kuştina ne kêmtir ji 13 kes ji kadroyên ragîhandinê tomar kiriye, û got ku nêzîkî 62% li ser destê rêjîma Esed û Rûsiya bûn, û kuştina 26 kadroyên bijîşkî pêkanîna 98 êrîşên li ser avahî û xalên bijîşkî li ser destê rêjîmê û siponserê wê yê Rûsî pêk hatin, û got ku wan ne kêmtir ji 20 kadroyên bijîşkî kuştin, û hêzên rêjîmê û Rûsiyayê ne kêmtir ji 82 carî êrîşî ser avahiyên bijîşkî kirine.
Û di raporê de hat ku di sala 2019an de, 305 kesan ji ber îşkeceyê de canê xwe jidest dane, ji wan 275 di girtîgeh û zîndanên rêjîmê de, û 4 di girtîgehîn Heyit Tehrîr Elşam de û 13 kes li ser destê milîsên PYD jiyana xwe jidest dan, û 13 kes li ser destê aliyin leşkerî yên nenas hatin kuştin.
Û raporê got ku di sala 2019 de, rêjîma Esed carekê çekên kîmawî li gundewarê Laziqiyê bikar anî, û hejmara êrîşên bi narincokên goşeyî gihîşt 56 caran, 52 jê rêjîmê û 4 hêzên Rûsiya pêk anîn.
Herweha rapora toreyê bang li Encûmana Ewlekariyê kir ku piştî derketina biryara jimare 2254, tedbîrên din werbigire, ku tê de ” bi rengekî yekser hemû êrîşên dijî sivîlan û cihên nişteciyan bêne rawestandin”û pêdivî ye ku dosya Sûrî radestî Dadgeha Cezayê ya Navneteweyî bike, û hemû kesên ku beşdarî kuştinê bûne, tevî rejîma Rûsî jî, bêne sizedan, piştî ew di tewanîn cengê de beşdar bûye.
Jêder: Ofîsa Ragihandinê ya Hevbendiya Nişrimanî ya Sûrî
