Duhî li roja pêncşemê, heşt kesên sivîl li gundewarê başûr yê parêzgeha Idlibê bi topbarana hêzên rejîmê li ser Zevî û Kampa Um Altoyînê şehîd ketin, 3 jin û 3 zarok di nav wan de hene.
Herwiha du jin şehîd ketine û hejmarek sivîl birîndar bûne ji encama topbarana hêzên rejîmê li ser gundê Abu Şorca li gundewarê rojhilatê Idlibê, û bajarokê Altmanah û gundê Um Celal li başûr-rojhilat rastî heman topbaranê hat lê bêyî çêbûna ziyan û kuştinê.
Çalakvanên deverê tekez kirin ku tîmên Parastina Sivîl li gundewarê Idlibê rabûn bi rakirina birîndaran li nexweşxaneyên nêzîk, û bal kişandin ku dever ji serbazgehên hêzên rejîmê yên li gundên Tel Merq û Abu Omar hat topbarankirin.
Li gundewarê Der’a, hejmarek zarok bi birînên cuda birîndar bûn ji encama teqîna bombeyeke zemînî ya ji bermahiyên hêzên Esed li zeviyên çandiniyê yên li derdora gundê Elşecera li rojavayê Der’a, hevdem digel kampaniyeke girtina ser malanên welatiyên sivîl û pişkinînê li bajarê Dah’il li Der’ayê û ji aliyê hêzên Esed.
Herwiha derdora herdu bajarokên Letamnê û Mork û gundê Lihaya û bajarê kelha Almidîq li gundewarê Hemayê ji aliyê hêzên rejîmê bi top û çekên giran hatin topbarankirin, bêyî hebûna nûçeyan li ser kuştin û birîndarbûna kesên sivîl.
Tê zanîn ku bermayên hêzên rêjîma Esed li Der’ayê carcar dibin sedema kuştina kesên sivîl, herwiha carcar parêzgeha Idlibê û bakurê Hemayê ji aliyê hêzên rejîmê û Rûsyayê bi top û mûşekan têne topbarankirin, ku bûne sedema kuştin û birîndarbûna welatiyên sivîl, tevî ku dever di çarçova peymana agirbestê ya Rûsya-Tirkiyê de ye.
Jêder: Ofîsa Ragihandinê ya Hevbendiya Niştimanî ya Sûrî
